About Us
- විස්තර
- විස්තර
- විස්තර
- විස්තර
- විස්තර
ස්වභාවික හෝ මානව ක්රියාවලියන්ගේ බලපෑම නිසා ඇතිවන හදිසි ආපදා අවස්ථාවකදී සිදුවන ජීවිත හෝ දේපල හානිය අවම කර ගැනීම සඳහා සිවිල් ආරක්ෂක සාමාජිකයින් ගත යුතු ආරක්ෂක පියවරයන් පිළිබඳව දැනුවත් කිරීමේ අරමුණ පෙරදැරි කර ගනිමින් සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ උපදෙස් හා මඟ පෙන්වීමට අනුව අධ්යක්ෂ පුහුණු කර්නල් එච්එම්ඒඩී සරත්චන්ද්ර ජ්යෙෂ්ඨ නිලධාරිගේ සම්බන්ධීකරණයෙන් මොරටුව මහ නගරසභාවේ ගිනිනිවන ඒකකයේ නිලධාරින් විසින් සිවිල් ආරක්ෂක දෙපාර්තමේන්තු සාමාජිකයින් 25 දෙනෙකු සඳහා හදිසි ගිනි ගැනීමක් සිදුවූ අවස්ථාවකදී ක්රියාකළ යුතු ආකාරය පිළිබඳව විශේෂ පුහුණු වැඩසටහනක් 2024 මැයි මස 02 වන දින සිට 04 වන දින දක්වා සේරුපිට පුහුණු පාසලේ දී පවත්වන ලදී.
මෙහිදී හදිසි ගිනි ගැනීම් වලට හසුවූ ජීවිත මුදා ගැනීම, හටගත් ගින්න නිවා දැමීම හා ගින්න පැතිරයාම වළක්වා ගනිමින් දේපළ බේරා ගැනීම, ගිනි නිවරණ ක්රමෝපායන් අනුගමනය කිරීම, ගිනි ආරක්ෂණ උපකරණ භාවිතය සහ එම උපකරණ පරිහරණය පිළිබඳව දැනුවත් කිරීම හා ප්රථමාධාර ලබා දීම සම්බන්ධයෙන් න්යායාත්මක මෙන්ම ප්රායෝගික දැනුම ලබා දීම මොරටුව ගිනිනිවීමේ ඒකකයේ ගිනිනිවීමේ භට ඒඩීජීඑල් ඉලංග සහ ඩබ්එස්ආර් ප්රනාන්දු යන මහත්වරුන් විසින් සිදුකල අතර සේරුපිට පුහුණු පාසලේ අණදෙන නිලධාරි ලුතිතන් කර්නල් එල්ආර්එම්යූබී රත්නායක ජ්යෙෂ්ඨ නිලධාරි විසින් පුහුණු වැඩසටහන සඳහා අවශ්ය පහසුකම් සලසා දෙන ලදී.
මධ්යම පළාත් ප්රවීණයන්ගේ මළල ක්රීඩා සංගමය මඟින් 12 වන වරටත් සංවිධානය කරන ලද ප්රවීණයන්ගේ මළල ක්රීඩා තරඟාවලිය 2024 අප්රේල් මස 27 සහ 28 යන දෙදින මහනුවර බෝගම්බර ක්රීඩාංගණයේදී පවත්වන ලද අතර, සිවිල් ආරක්ෂක දෙපාර්තමේන්තු ක්රීඩක ක්රීඩිකාවන් 61 දෙනෙකු තරඟාවලිය සඳහා සහභාගී වී රන් පදක්කම් 72 ක්, රීදී පදක්කම් 40 ක් සහ ලෝකඩ පදක්කම් 18 ක් දිනා ගනිමින් තරඟාවලියේ සමස්ත ශූරතාවය සමඟින් කාන්තා ශූරතාව හා පිරිමි අනු ශූරතාවය දිනා ගන්නා ලදී.
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී හා අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරින් විසින් ජයග්රහණ ලබා ගත් ක්රීඩක ක්රීඩිකාවන් වෙත සුභාශිංෂණ එක් කරන ලදී.
මධ්යම පළාත් ප්රවීණයන්ගේ මළල ක්රීඩා තරඟාවලියේ එක් එක් වයස්කාණ්ඩ යටතේ දක්ෂතම ක්රීඩිකාවන් සඳහා හිමි කුසලාන 04ක් දිනාගැනීමට හා තරඟාවලියේ පෙර පැවති තරඟ වාර්තා 13ක් බිඳ හෙළීමට සිවිල් ආරක්ෂක දෙපාර්තමේන්තු ක්රීඩක ක්රීඩිකාවන් සමත් විය.
තරගාවලියේ නව තරඟ වාර්තාවන්
වයස් කාණ්ඩය |
ක්රීඩා ඉසව්ව | නිල අංකය | නම | බලකාය |
40-44 කාන්තා | උස පැනීම | F 035468 | එස්ආර්එස් ජයවර්ධන | වැලිඔය |
40-44 කාන්තා | හෙල්ල විසිකිරීම | F 031890 | ටී ප්රදීපා ජානකී | මහඔය |
45-49 කාන්තා | උස පැනීම | F 029398 | ඩබ්එල් කුසුමාවතී | උහන |
30-34 කාන්තා | රිටි පැනීම | F 030143 | යූඑස් ජයසිංහ | විල්පත්තුව |
45-49 කාන්තා | හෙල්ල විසිකිරීම | F 022584 | ඩබ්පී කෞෂි | වෙන්නවත්ත |
35-39 පිරිමි | උස පැනීම | M 025376 | ආර්ඒඒ ගයාන් | වැලිඔය |
30-34 පිරිමි | උස පැනීම | M 035561 | එස්ඒ කුමාර | වැලිඔය |
40-44 පිරිමි | මීටර 400,800,1500 | M 024592 | ආර්ආර්ඒ රත්නායක | අනුරාධපුර |
40-44 කාන්තා | මීටර 400,800,1500 | F 022584 | එම්ඒ චන්ද්රාවතී | විල්පත්තුව |
තරඟාවලියේ දක්ෂතම ක්රීඩිකාවන්
වයස් කාණ්ඩය | නිල අංකය | නම | බලකාය |
30-34 කාන්තා | F 035468 | එස්කේඑම් සේමසිංහ | විල්පත්තුව |
35-39 කාන්තා | F 031711 | වයිඑම්අයිඑන් වීරකෝන් | විල්පත්තුව |
40-44 කාන්තා | F 035468 | එස්ආර්එස් ජයවර්ධන | වැලිඔය |
50-54 කාන්තා | F 030647 | එම් ඒ චන්ද්රාවතී | විල්පත්තුව |
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ මග පෙන්වීම අනුව අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරිගේ සම්බන්ධීකරණයෙන් විශ්වමඩු, කිළිනොච්චි හා මුලතිව් බලකායන්හි සේවය කරනු ලබන පෙර කිසිදු අවස්ථාවක දී කොළඹ ප්රදේශය වෙත නොපැමිණි සිවිල් ආරක්ෂක සාමාජික සාමාජිකාවන් 39 දෙනෙකු හට සුභසාධක කටයුත්තක් වශයෙන් 2024 අප්රේල් මස 09 වන දින සිට 12 වන දින දක්වා කොළඹ ප්රදේශයේ සංචාරයක නිරිත වීමේ අවස්ථාව උදා කර දෙන ලදී.
2024 අප්රේල් 10 දින සිවිල් ආරක්ෂක දෙපාර්තමේන්තු මූලස්ථානයෙහි පැවති සිංහල හින්දු අලුත් අවුරුදු උත්සවයේ ජන ක්රීඩා සඳහා සහභාගී වූ අතර එහිදී ඔවුන්ගේ සංස්කෘතික නර්තන අංගයන් ඉදිරිපත් කරන ලදී. මෙම සංචාරය අතරතුරදී ජාතික සත්වඋද්යානය, කොළඹ වරාය, කොළඹ වරාය නගරය, නෙළුම් කුළුණ ඇතුළු කොළඹ නගරයේ සංචාරක ආකර්ෂණය දිනාගත් ස්ථාන ඔවුනට සියැසින් දැක බලා ගැනීමේ අවස්ථාව උදා විය.
මෙම සංචාරයේදී කොළඹ ප්රදේශයේ පොදු කටයුතු හා වාණිජ ක්රියාකාරීත්වය සම්බන්ධයෙන් අත්දැකීමක් මෙන්ම අවබෝධයක් ලබා ගැනීමේ අවස්ථාව හිමිවූ අතර සංචාරක මඟපෙන්වන්නා ලෙස මුලතිව් බලකායේ අණදෙන නිලධාරි මේජර් එස්සී ද සිල්වා ආර්ඩබ්පී ආර්එස්පී ජ්යෙෂ්ඨ නිලධාරි විසින් හා වෙන්නවත්ත බලකායේ අණදෙන නිලධාරි ලුතිතන් කර්නල් ආර්පීකේජී රණසිංහ ජ්යෙෂ්ඨ නිලධාරි ඇතුළු බලකායේ සාමාජික සාමාජිකාවන් විසින් නවාතැන් ඇතුළු අනෙකුත් පහසුකම් සලසා දෙන ලදී.
පොල්හේන ජල ක්රීඩා සංගමය මගින් 13 වන වරට සංවිධානය කළ සමස්ථ ලංකා විවෘත කි.මි. 2 මුහුදු පිහිණුම් තරඟය 2024 අප්රේල් මස 07 වන දින මාතර පොල්හේන මුහුදු වෙරළ තීරයේදී පවත්වන්ට යෙදුණු අතර ඒ සඳහා සිවිල් ආරක්ෂක දෙපාර්තමේන්තු පිහිණුම් ක්රීඩා සංචිතයේ ක්රීඩක ක්රීඩිකාවන් 25 දෙනෙකු සහභාගී විය.
එහිදී සිවිල් ආරක්ෂක දෙපාර්තමේන්තුව “ආරක්ෂක සේවා ශූරතා පලිහ” දිනාගත් අතර කාන්තා සිවිල් ආරක්ෂක 026099 ජේඑච් නන්දනී විසින් වයස්ගතම ක්රීඩිකාවට හිමි කුසලානය හා තරඟ කරුවන් 200ක් අතරින් 10 ස්ථානය ද සිවිල් ආරක්ෂක උප නියාමක 023810 එන්එස් ප්රියසංක විසින් 11 වන ස්ථානය දිනා ගන්නා ලදී.
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරි හා සේවාවනිතා ඒකකයේ ගරු සභාපතිණි දිලිනි කෝදාගොඩ මැතිණියගේ ප්රධානත්වයෙන් අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරි සහ අධ්යක්ෂ මණ්ඩලයේ ජ්යෙෂ්ඨ නිලධාරින් ඇතුළු සේවාවනිතා ඒකකයේ සාමාජිකාවන්ගේ සහභාගීත්වයෙන් කොවුල් අසිරිය බක්මහ උළෙල 2024 අප්රේල් මස 10 වන දින සිවිල් ආරක්ෂක දෙපාර්තමේන්තු මූලස්ථාන පරිශ්රයේ දී පවත්වන ලදී.
සිංහල හින්දු අලුත් අවුරුදු අසිරිය සැමරීම හා සංස්කෘතික අංගයන් පිළිබඳව අනෝන්ය අවබෝධය ඇතිකිරීම වෙනුවෙන් විශ්වමඩු, කිළිනොච්චි, මුලතිව් බලකායන්හි සේවය කරන මීට පෙර කිසිදු අවස්ථාවක කොළඹ ප්රදේශය වෙත නොපැමිණි සිවිල් ආරක්ෂක සාමාජික සාමාජිකාවන් 39 දෙනෙකු හට සිංහල අලුත් අවුරුදු අසිරිය පිළිබඳව අත්දැකීමක් ලබා ගැනීමේ අරමුණ පෙරදැරි කර ගනිමින් සංවිධානය කළ යාල්පානමෙන් කොලොම්තොට බලා නෑගම් පැමිණීම සහ බක්මහ කුමරිය තරඟය ඇතුළු සංස්කෘතික අංගයන් හා ජනක්රිඩා රැසකින් කොවුල් අසිරිය බක් මහ උළෙල විචිත්රවත් වන ලදි.
මෙයට සමගාමීව සිවිල් ආරක්ෂක දෙපාර්තමේන්තුවේ සේවාවනිතා ඒකකය මගින් සංවිධානය කරන ලද අවුරුදු පොළෙහි බලකා මගින් පවත්වාගෙන යනු ලබන ව්යාපෘතීන්හි නිෂ්පාදිත සහල්, මුං ඇට, කව්පි, කුරක්කන්, එළවළු, පළතුරු වැනි කෘෂි නිෂ්පාදන හා අත්කම් භාණ්ඩ ඇතුළු වියළි ආහාර ද්රව්ය ආදිය සහන මිලට අලෙවි කරන ලදී.
මෙම අවස්ථාව සඳහා සිවිල් ආරක්ෂක දෙපාර්තමේතුවට අනුයුක්තව රාජකාරී කරන ත්රිවිධ හමුදාව, පොලීසිය සියලුම නිලධාරින් හා සෙසුනිලයන් අතුළු සිවිල් ආරක්ෂක දෙපාර්තමේන්තු මූලස්ථානය, වෙන්නවත්ත බලකාය හා සේරුපිට පුහුණු පාසලේ රාජකාරි කරන සිවිල් ආරක්ෂක සාමාජික සාමාජිකාවන් සහභාගී විය.
රියර් අද්මිරාල් යුඅයි සේරසිංහ, ඩබ්ඩබ්වී, ආර් එස්පී, යූඑස්පී, පීඑස්සී, ඒඔඩබ්සී
CSD Musical Band
Click Below Link to View Musical Shows......
CSD Rhythm of Stars 2017 Part 03 CSD Band Live in Concert Part 09 (Mahaoya II)
CSD Rhythm of Stars 2017 Part 08 CSD Band Live in Concert Part 01 (Katharagama II)
CSD Rhythm of Stars 2017 Part 09 CSD Band Live in Concert Part 05 (Monaragala)
CSD Rhythm of Stars 2017 Part 10 CSD Band Live in Concert Part 02 (Mahaoya)
හිටපු අධ්යක්ෂ ජෙනරාල්
ශ්රී ලංකා සිවිල් ආරක්ෂක දෙපාර්තමේන්තුවේ අධ්යක්ෂ ජෙනරාල්වරයා වන චන්ද්රරත්න පල්ලේගම මහතා ශ්රී ලංකා පරිපාලන සේවයේ ප්රවීන සහ කුසලතා සපිරි පරිපාලකයෙකි. ශ්රී ලංකා සිවිල් ආරක්ෂක දෙපාර්තමේන්තුවේ අධ්යක්ෂ ජෙනරාල්වරයා ලෙස වැඩ භාර ගැනිමට පෙර බන්ධනාගාර කොමසාරිස් ජෙනරාල්වරයා ලෙස ඔහුගේ වසර දෙකකට ආසන්න සේවා කාලය පරිපාලන කුසලතා පිළිබඳ මාහැඟි සාක්ෂියකි.
පල්ලේගම මහතා 1962 දෙසැම්බර් 3 වන දින උතුරු මැද පළාතේ උපත ලැබීය. සිය ගමේ පාසල වූ ගිරිතලේගම මහා විද්යාලයෙන් ප්රාථමික අධ්යාපනය හැදෑරු ඔහු 7 වසර ශිෂ්යත්ව විභාගය සමත්ව පොලොන්නරුව රාජකීය විදුහලට ඇතුලත් විය. 1984 වසරේදී උසස් අධ්යාපනය සඳහා ශ්රී ජයවර්ධනපුර විශ්වවිද්යාලයට සරසවි වරම් ලැබූ එතුමා ව්යාපාර පරිපාලනය පිළිබඳ උපාධිය ලබා ගැනීමෙන් අනතුරුව 1989 සැප්තැම්බර් 5 වනදා විගණකාධිපති දෙපාර්තමේන්තුවේ විගණක පරීක්ෂකවරයකු ලෙස රාජ්ය සේවයට එක්විය ඉන් අනතුරුව 1995 වසරේ පැවැති ශ්රී ලංකා පරිපාලන සේවා විවෘත විභාගයෙන් දිවයිනේ ප්රථමයා බවට පත්වෙමින් 1995 අප්රේල් මාසයේදී ශ්රී ලංකා පරිපාලන සේවයට බැඳුණි. සහකාර මැතිවරණ කොමසාරිස්වරයකු ලෙස පත්කරනු ලැබූ ඔහු පුරා වසර 12 ක් පුරා මැතිවරණ දෙපාර්තමේන්තුව යටතේ අනුරාධපුර, කලුතර සහ කොළඹ දිස්ත්රික්කවල ප්රශංශාත්මක සේවයක නිරතවුණි.
ශ්රී ලංකා පරිපාලන සේවයේ සේවා කාලය තුළ ජ්යෙෂ්ඨ තනතුර රැසක් හොබවමින් අත්දැකීම් සම්භාරයක් එක්රැස් කරගැනීමට එතුමාට හැකි විය. මැතිවරණ දෙපාර්තමේන්තුවේ වසර 12 ක කීර්තිමත් සේවා කාලයකින් අනතුරුව, ජනතාවට වඩා සමීපව සේවය කිරීමට තිබූ කැමැත්ත නිසාම පල්ලේගම මහතා ප්රාදේශීය ලේකම්වරයකු ලෙස සේවය කිරීමට ඉදිරිපත් විය. මහරගම, ශ්රී ජයවර්ධනපුර සහ කෝට්ටේ ප්රාදේශීය ලේකම් කොට්ඨාශවල වසර හතරකට වැඩි කාලයක් ඔහු සේවය කරන ලදී. සිය කණ්ඩායමේ සිටි විශිෂ්ඨතම පරිපාලකයකුවූ පල්ලේගම මහතා වාරිමාර්ග සහ ජල සම්පත් කළමනාකරණ අමාත්යාංශයේ අතිරේක ලේකම්වරයකු ලෙස පත්කරනු ලැබූ අතර මාස 18කට වැඩි කාලයක් එම තනතුරේ කටයුතු කරන ලදී. 2012 ඔහුගේ වෘත්තීය ජීවිතයේ කාර්ය බහුල වර්ෂයක් විය. ඔහුගේ පරිපාලන හැකියාවන් නිසාම එම වසරේ ජූලි මාසයේදී බන්ධනාගාර දෙපාර්තමේන්තුවේ ඊළඟ කොමසාරිස් ජෙනරාල් ලෙස පත්කිරීමේ අරමුණ ඇතිව අදාළ අත්දැකීම් ලබා ගැනිමට හැකිවනු පිණිස ඔහු බන්ධනාගාර දෙපාර්තමේන්තුවේ කොමසාරිස්වරයා ලෙස පත්කරනු ලැබිය. පාරිභෝගික කටයුතු පිළිබඳ අධිකාරිය වඩා සංවිධානාත්මක සහ එහි කටයුතු වඩා හොඳින් නියාමනය කරනු පිණිස 2012 සැප්තැම්බර් මාසයේදී ඔහු එම අධිකාරියේ අධ්යක්ෂ ජෙනරාල් ලෙස පත් කරන ලදී. ඉන්පසු 2012 දෙසැම්බර් මාසයේදි අතිගරු ජනාධිපතිතුමන්ගේ ලේකම් විසින් ජාතික අධ්යාපන කොමිසමේ ලේකම් ධුරය සදහා පුද්ගලිකවම ඔහු තෝරා ගන්නා ලදී. එම තනතුරේ මාස තුනක් පමණක් සේවය කිරීමෙන් අනතුරුව පල්ලේගම මහතා ශ්රි ලංකා බන්ධනාගාර දෙපාර්තමේන්තුවේ 14 වන කොමසාරිස් ජෙනරාල්වරයා ලෙස උසස් වීමක් ලැබීය. එම තනතුර දැරූ කාලයේදී, ඉතා දැඩි විනයක් පවත්වාගෙන යාමට ඔහු සමත් වූ අතර බන්ධනාගාර රෙගුලාසි සහ ප්රමිති නිසි ලෙස ක්රියාත්මක කරමින් බන්ධනාගාරවල තත්වය පෙර නොවූ විරූ මට්ටමකට ඉහළ නංවන ලදී. බන්ධනාගාර දෙපාර්තමේන්තුව නිලධාරීන් සඳහා නව වැටුප් යෝජනා ක්රමයක් හඳුන්වාදීම, සියලු නිලධාරීන් සඳහා උසස්වීම් මට්ටම් නියාමනය කිරීම සහ නව වාහන ලබාගැනීම සිදූ වූයේ ඔහුගේ ප්රධානත්වයෙනි.
පරිපාලන සේවයේ ඉහළම නිලධාරියකු ලෙස සේවය කරන අතරම පල්ලේගම මහතා තව දුරටත් සිය උසස් අධ්යාපන කටයුතු නොකඩවා සිදු කරමින් 2001 වසරේදී රජරට විශ්වවිද්යාලයෙන් කළමනාකරණය පිළිබද පශ්චාත් උපාධි ඩිප්ලෝමාව ලබා ගන්නා ලදී. පසුව බන්ධනාගාර දෙපාර්තමේන්තුවේ කොමසාරිස් ජෙනරාල්වරයා ලෙස කටයතු කිරීමේදී සමාජ විද්යා විෂය කෙරෙහි මහත් අවධානයක් යොමුකළ එතුමා 2013 වසරේදි කැළණිය විශ්වවිද්යාලයෙන් සමාජ විද්යාව පිළිබඳ ශාස්ත්රපති උපාධිය හිමිකර ගත්තේ විශිෂ්ඨ කුසලතා ප්රදර්ශනය කරමිනි. ඊට අමතරව එතුමා ශ්රි ලංකා ගණකාධිකාරි තාක්ෂණවේදීන්ගේ සංගමයේ ආශ්රිත සාමාජිකත්වය දරයි. මහරගම ප්රාදේශීය ලේකම්වරයා ලෙස කටයුතු කරමින් සිටියදී ඔහු රාජ්ය පරිපාලන සහ ස්වදේශිය කටයුතු අමාත්යාංශය සංවිධානය කළ සමස්ත ලංකා කළමනාකරණ තරඟයෙන් තෙවන ස්ථානය දිනා ගැනීමට සමත් වූ අතර බස්නාහිර පළාත් සභාව විසින් පවත්වන ලද කෘෂිකර්ම තරඟයෙන් දිස්ත්රික් මට්ටමේ පළමු ස්ථානයත් පළාත් මට්ටමේ තෙවන ස්ථානයත් දිනා ගනිමින් මහරගම ප්රාදේශීය ලේකම් කාර්යාලය දිවයෙනේ හොඳම ප්රාදේශීය ලේකම් කාර්යාලයක් බවට පත්කරන ලදී. සිය රාජ්ය සේවය කළ දින සිටම එතුමා ශ්රී ලංකා පරිපාලන සේවා සංගමයේ ක්රියාකාරි සාමාජිකයකු වු අතර පිට පිට වසර තුනක් එම සංගමයේ මහාලේකම් වරයා ලෙස තෝරා පත්කර ගන්නා ලද අතර එහි උප සභාපති ලෙස ද කටයුතු කරන ලදී. තවද, පල්ලේගම මහතා ජාතික ආහාර ප්රවර්ධන මණ්ඩලයේ (සාගින්නෙන් තොර ශ්රී ලංකාවක් සඳහා ව්යාපාරය) අධ්යක්ෂ මණ්ඩල සාමාජිකයකු ලෙස කටයුතු කළ අතර දිවයිනටම බලපාන ලෙස සාම විනිසුරුවරයකු ද වේ.
සිය වෘත්තියට අමතරව ඔහු වත්මනෙහි ශ්රී ලංකා පරිපාලන සේවා සංගමයේ සභාපති ලෙස කටයුතු කරයි. රාජ්ය පරිපාලන සේවයේ වසර 26 කට වැඩි නොකැලල් සේවා ඉතිහාසයක් ඇති පල්ලේගම මහතා ශ්රී ලංකා පරිපාලන සේවය බිහිකළ විශිෂ්ඨතම නිලධාරියෙකි. ලක්මිණි පල්ලේගම මහත්මිය සමග විවාහ වී සිටින ඔහු දෙදරු පියෙකි. ඔහුගේ පුත් කසුන් දැනට උසස් අධ්යාපනය හදාරමින් සිටින අතර දියණිය චමත්කා තවමත් පාසල් අධ්යාපනය හදාරයි. සිවිල් සේවා දෙපාර්තමේන්තුවේ අධ්යක්ෂ ජෙනරාල් ලෙස ඔහු රාජකාරී භාරගනු ලැබූයේ 2015 පෙබරවාරි 12 වනදාය.
චන්ද්රරත්නපල්ලේගමමහතා
(විද්යාවේදී, පීජීඩී, එම්ඒඒටී, ශාස්ත්රති)