சிறப்பு தலைப்பு செய்திகள்
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ මග පෙන්වීම අනුව අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරිගේ සම්බන්ධීකරණයෙන් විශ්වමඩු, කිළිනොච්චි හා මුලතිව් බලකායන්හි සේවය කරනු ලබන පෙර කිසිදු අවස්ථාවක දී කොළඹ ප්රදේශය වෙත නොපැමිණි සිවිල් ආරක්ෂක සාමාජික සාමාජිකාවන් 39 දෙනෙකු හට සුභසාධක කටයුත්තක් වශයෙන් 2024 අප්රේල් මස 09 වන දින සිට 12 වන දින දක්වා කොළඹ ප්රදේශයේ සංචාරයක නිරිත වීමේ අවස්ථාව උදා කර දෙන ලදී.
2024 අප්රේල් 10 දින සිවිල් ආරක්ෂක දෙපාර්තමේන්තු මූලස්ථානයෙහි පැවති සිංහල හින්දු අලුත් අවුරුදු උත්සවයේ ජන ක්රීඩා සඳහා සහභාගී වූ අතර එහිදී ඔවුන්ගේ සංස්කෘතික නර්තන අංගයන් ඉදිරිපත් කරන ලදී. මෙම සංචාරය අතරතුරදී ජාතික සත්වඋද්යානය, කොළඹ වරාය, කොළඹ වරාය නගරය, නෙළුම් කුළුණ ඇතුළු කොළඹ නගරයේ සංචාරක ආකර්ෂණය දිනාගත් ස්ථාන ඔවුනට සියැසින් දැක බලා ගැනීමේ අවස්ථාව උදා විය.
මෙම සංචාරයේදී කොළඹ ප්රදේශයේ පොදු කටයුතු හා වාණිජ ක්රියාකාරීත්වය සම්බන්ධයෙන් අත්දැකීමක් මෙන්ම අවබෝධයක් ලබා ගැනීමේ අවස්ථාව හිමිවූ අතර සංචාරක මඟපෙන්වන්නා ලෙස මුලතිව් බලකායේ අණදෙන නිලධාරි මේජර් එස්සී ද සිල්වා ආර්ඩබ්පී ආර්එස්පී ජ්යෙෂ්ඨ නිලධාරි විසින් හා වෙන්නවත්ත බලකායේ අණදෙන නිලධාරි ලුතිතන් කර්නල් ආර්පීකේජී රණසිංහ ජ්යෙෂ්ඨ නිලධාරි ඇතුළු බලකායේ සාමාජික සාමාජිකාවන් විසින් නවාතැන් ඇතුළු අනෙකුත් පහසුකම් සලසා දෙන ලදී.
- விவரங்கள்
පොල්හේන ජල ක්රීඩා සංගමය මගින් 13 වන වරට සංවිධානය කළ සමස්ථ ලංකා විවෘත කි.මි. 2 මුහුදු පිහිණුම් තරඟය 2024 අප්රේල් මස 07 වන දින මාතර පොල්හේන මුහුදු වෙරළ තීරයේදී පවත්වන්ට යෙදුණු අතර ඒ සඳහා සිවිල් ආරක්ෂක දෙපාර්තමේන්තු පිහිණුම් ක්රීඩා සංචිතයේ ක්රීඩක ක්රීඩිකාවන් 25 දෙනෙකු සහභාගී විය.
එහිදී සිවිල් ආරක්ෂක දෙපාර්තමේන්තුව “ආරක්ෂක සේවා ශූරතා පලිහ” දිනාගත් අතර කාන්තා සිවිල් ආරක්ෂක 026099 ජේඑච් නන්දනී විසින් වයස්ගතම ක්රීඩිකාවට හිමි කුසලානය හා තරඟ කරුවන් 200ක් අතරින් 10 ස්ථානය ද සිවිල් ආරක්ෂක උප නියාමක 023810 එන්එස් ප්රියසංක විසින් 11 වන ස්ථානය දිනා ගන්නා ලදී.
- விவரங்கள்
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරි හා සේවාවනිතා ඒකකයේ ගරු සභාපතිණි දිලිනි කෝදාගොඩ මැතිණියගේ ප්රධානත්වයෙන් අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරි සහ අධ්යක්ෂ මණ්ඩලයේ ජ්යෙෂ්ඨ නිලධාරින් ඇතුළු සේවාවනිතා ඒකකයේ සාමාජිකාවන්ගේ සහභාගීත්වයෙන් කොවුල් අසිරිය බක්මහ උළෙල 2024 අප්රේල් මස 10 වන දින සිවිල් ආරක්ෂක දෙපාර්තමේන්තු මූලස්ථාන පරිශ්රයේ දී පවත්වන ලදී.
සිංහල හින්දු අලුත් අවුරුදු අසිරිය සැමරීම හා සංස්කෘතික අංගයන් පිළිබඳව අනෝන්ය අවබෝධය ඇතිකිරීම වෙනුවෙන් විශ්වමඩු, කිළිනොච්චි, මුලතිව් බලකායන්හි සේවය කරන මීට පෙර කිසිදු අවස්ථාවක කොළඹ ප්රදේශය වෙත නොපැමිණි සිවිල් ආරක්ෂක සාමාජික සාමාජිකාවන් 39 දෙනෙකු හට සිංහල අලුත් අවුරුදු අසිරිය පිළිබඳව අත්දැකීමක් ලබා ගැනීමේ අරමුණ පෙරදැරි කර ගනිමින් සංවිධානය කළ යාල්පානමෙන් කොලොම්තොට බලා නෑගම් පැමිණීම සහ බක්මහ කුමරිය තරඟය ඇතුළු සංස්කෘතික අංගයන් හා ජනක්රිඩා රැසකින් කොවුල් අසිරිය බක් මහ උළෙල විචිත්රවත් වන ලදි.
මෙයට සමගාමීව සිවිල් ආරක්ෂක දෙපාර්තමේන්තුවේ සේවාවනිතා ඒකකය මගින් සංවිධානය කරන ලද අවුරුදු පොළෙහි බලකා මගින් පවත්වාගෙන යනු ලබන ව්යාපෘතීන්හි නිෂ්පාදිත සහල්, මුං ඇට, කව්පි, කුරක්කන්, එළවළු, පළතුරු වැනි කෘෂි නිෂ්පාදන හා අත්කම් භාණ්ඩ ඇතුළු වියළි ආහාර ද්රව්ය ආදිය සහන මිලට අලෙවි කරන ලදී.
මෙම අවස්ථාව සඳහා සිවිල් ආරක්ෂක දෙපාර්තමේතුවට අනුයුක්තව රාජකාරී කරන ත්රිවිධ හමුදාව, පොලීසිය සියලුම නිලධාරින් හා සෙසුනිලයන් අතුළු සිවිල් ආරක්ෂක දෙපාර්තමේන්තු මූලස්ථානය, වෙන්නවත්ත බලකාය හා සේරුපිට පුහුණු පාසලේ රාජකාරි කරන සිවිල් ආරක්ෂක සාමාජික සාමාජිකාවන් සහභාගී විය.
- விவரங்கள்
සිවිල් ආරක්ෂක දෙපාර්තමේන්තු අධ්යක්ෂ ජනරාල්, යහසාධක යෝජනාක්රමය, සුවසවිය හා සුභසාධක අරමුදලේ ප්රධාන අනුශාසක එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරි හා සිවිල් ආරක්ෂක දෙපාර්තමේන්තු අතිරේක අධ්යක්ෂ ජනරාල්, යහසාධක යෝජනාක්රමය සහ සුවසවිය අරමුදලේ සභාපති, සුභසාධක අරමුදලේ උප අනුශාසක රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරිගේ ප්රධානත්වයෙන් යහසාධක යෝජනාක්රමයේ 21 වන, සුවසවිය අරමුදලේ 08 වන හා සුභසාධක අරමුදලේ 05 වන මහා සභා රැස්වීම 2024 අප්රේල් මස 05 වන දින සිවිල් ආරක්ෂක දෙපාර්තමේන්තු මූලස්ථාන පරිශ්රයේදී පවත්වන ලදී.
පසුගිය වර්ෂයේ පැවති මහා සභා වාර්ථාවන් හා 2022/2023 වර්ෂයේ විගණන වාර්තාවන් සභා සම්මත කර ගැනීම සහ 2024 වර්ෂය සඳහා නව නිලධාරි මණ්ඩලය තෝරා පත් කර ගැනීම සිදුකිරීමෙන් අනතුරුව ඉදිරි වර්ෂය සඳහා යහසාධක යෝජනාක්රමය සහ සුවසවිය අරමුදලේ ප්රතිලාභ ගෙවීම හා සුභසාධක අරමුදල මගින් දරන වියදම් වෙනුවෙන් අවශ්ය ප්රතිපත්තිමය තිරණ ගැනීම හා ව්යවස්ථා සංශෝධනය සඳහා නව යෝජනා සභා සම්මත කර ගන්නා ලදී.
සිවිල් ආරක්ෂක දෙපාර්තමේන්තු මූලස්ථානයේ යහසාධක යෝජනාක්රමය, සුවසවිය සහ සුභසාධක අරමුදලේ කාර්යය මණ්ඩලයේ සංවිධානයෙන් හා සම්බන්ධීකරණයෙන් සියළුම බලකා නියෝජනය කරමින් දිස්ත්රික් නිලධාරින් 14 දෙනෙකු, සිවිල් ආරක්ෂක සාමාජික සාමජිකාවන් 500ක් නියෝජනය කිරීම සඳහා එක් කාරක සභිකයෙකු බැගින් කාරක සභිකයින් 112දෙනෙකු, බලකා/පුහුණු පාසල්/ අනුකලාප විෂය ලිපිකරුවන් 11 දෙනෙකු මහා සභා රැස්වීම සඳහා සහභාගී විය.
- விவரங்கள்
සිවිල් ආරක්ෂක දෙපාර්තමේන්තු සේවාවනිතා ඒකකයේ ගරු සභාපතිණි දිලිනි කෝදාගොඩ මැතිණියගේ සහ අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ ප්රධානත්වයෙන් හා ගරු උප සභාපතිණි ඩබ්ඩී අයෝනි ප්රශංසා වික්රමසිංහ මැතිණිය සහ අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ජ්යෙෂ්ඨ නිලධාරිගේ සහභාගීත්වයෙන් සේවා වනිතා ඒකකයේ 2024 වාර්ෂික මහා සභා රැස්වීම හා නව නිලධාරි මණ්ඩලය තෝරා පත්කර ගැනීම 2024 මාර්තු මස 14 වන දින සිවිල් ආරක්ෂක දෙපාර්තමේන්තු මූලස්ථාන සාකච්ඡා ශාලාවේදී පවත්වන ලදී.
2024 වර්ෂයේ දී සිදුකිරීමට නියමිත සුභසාධන කටයුතු සම්බන්ධයෙන් සාකච්ඡා කිරීමට හා තීන්දු තීරණ ගැනීම සඳහා නව නිලධාරි මණ්ඩලය පත් කිරීම සිදුකල අතර නව ලේකම් වශයෙන් දිස්ත්රික් නිලධාරි කේඒඑන් සංජීවනී ද, භාණ්ඩාගාරික ලෙස දිස්ත්රික් නිලධාරි සීඑම් පළිහේන ද තෝරා පත් කර ගන්නා ලදි.
මෙහිදි සිවිල් ආරක්ෂක දෙපාර්තමේන්තුවේ රාජකාරි කරනු ලබන සාමාජික සාමාජිකයිගේ පාසල් අධ්යාපනය හදාරණ දුවා දරුවන් 32957 දෙනෙකු වෙනුවෙන් රුපියල් මිලියන 18.3ක් වටිනා අභ්යාස පොත් බෙදා දීම සංකේතවත් කරමින් අභ්යාස පොත් ප්රදානය කිරීම සිදුකල අතර, අම්පාර බලකායේ සිවිල් ආරක්ෂක භට එම් 010911 ආර්බී ධයාපාල, පොලොන්නරුව බලකායේ සිවිල් ආරක්ෂක භට එම් 017538 එන් රෆීන්ගේ ලඟම ඥාතීන් වෙනුවෙන් හා විල්පත්තුව බලකායේ සිවිල් ආරක්ෂක භට එම් 006326 එම්බී චමින්ද දිසානායක වෙනුවෙන් රෝද පුටු පරිත්යාග කිරීම සේවාවනිතා ඒකකයේ ගරු සභාපතිණි දිලිනි කෝදාගොඩ මැතිණිය විසින් සිදුකරන ලදි.
ඉන් අනතරුව සේවා වනිතා ඒකකයේ ගරු සභාපතිණිය සේවාවනිතා ඒකකය මගින් පවත්වාගෙන යනු ලබන සිවිල් ආරක්ෂක දෙපාර්තමේන්තු මූලස්ථාන විරුමුතු මුල් ළමාවිය සංවර්ධනය කිරීමේ මධ්යස්ථානයේ නිරීක්ෂණ චාරිකාවක ද නිරත විය.
සිවිල් ආරක්ෂක දෙපාර්තමේන්තුවේ සේවාවනිතා ඒකකයේ සම්බන්ධීකරණ නිලධාරී කර්නල් එච්එම්ඒඩී සරත්චන්ද්ර ජ්යෙෂ්ඨ නිලධාරිගේ සම්බන්ධීකරණයෙන් බලකා අණදෙන නිලධාරින්ගේ බිරින්දෑවරුන් හා සේවා වනිතා ඒකකයේ කාරකසභික සාමාජිකාවන් ද මෙම අවස්ථාව සඳහා සහභාගී විය.
- விவரங்கள்
කොළඹ ගංගාරාම විහාරස්ථානය විසින් 45 වන වරටත් සංවිධානය කරනු ලබන නවම් මහා පෙරහැර 2024 පෙබරවාරි 23 හා 24 යන දෙදින පැවැත්වෙන අතර එම වැඩසටහනට සමගාමීව සිදුකරන මල් පෙරහැර පුණ්යකර්මය විහාරාධිකාරී ආචාර්ය පුජ්ය කිරින්දේ අස්සජි ස්වාමීන්වහන්සේගේ අනුශාසනා පරිදි සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් තුමාගේ උපදෙස් මත අධ්යක්ෂක පිරිස් පාලන බ්රිගේඩියර් අයිඩීඩී ප්රනාන්දු (විශ්රාමික) ජ්යෙෂ්ඨ නිලධාරිගේ සංවිධානයෙන් සිවිල් ආරක්ෂක දෙපාර්තමේන්තුවේ දායකත්වයෙන් 2024 පෙබරවාරි මස 21 වන දින පවත්වන ලදී.
මල් පෙරහැර පුණ්යකර්මයෙහි සධාතුක කරඬුව වැඩම කරවීම සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ ප්රධානත්වයෙන් හා අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ආර්එස්පී යූඑස්පී එන්ඩීයූ පීඑස්සී ජ්යෙෂ්ඨ නිලධාරි ඇතුළු දෙපාර්තමේන්තු අධ්යක්ෂ මණ්ඩලයේ ජ්යෙෂ්ඨ නිලධාරින් විසින් සිදුරන ලද අතර මෙම පුණ්යකර්මය සඳහා සේවා වනිතා ඒකකයේ ගරු සභාපතිණි දිලිනි කෝදාගොඩ මැතිණිය ද සහභාගී විය.
සිවිල් ආරක්ෂක දෙපාර්තමේන්තු හේවිසි කණ්ඩායම් පෙරටුකර ගනිමින් උඩරට හා පහතරට නර්ථන කණ්ඩායම් සමඟින් මුර ආයුධ, සේසත්, බෞද්ධ ධජ, මල් රැගත් සිවිල් ආරක්ෂක සාමාජික සාමජිකාවන් හා අලි ඇතුන් සමගින් පෙරහැර වීදි සංචාරය කරන ලදී.
- விவரங்கள்
76 වන ජාතික නිදහස් දින සැමරුම් ආචාර පෙළපාලිය නියෝජනය කරමින් සහභාගී වූ සිවිල් ආරක්ෂක දිස්ත්රික් නිලධාරින් 08 දෙනෙකු හා සිවිල් ආරක්ෂක සාමාජික සාමාජිකාවන් 382 දෙනෙකුගේ සේවය අගය කිරීම වෙනුවෙන් සහතිකපත් ප්රධානය කිරීම සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරිගේ ප්රධානත්වයෙන් 2024 පෙබරවාරි මස 04 වන දින විහාරමහාදේවි උද්යානයේ දී සිදුකරන ලදී.
අධ්යක්ෂක පිරිස් පාලන බ්රිගේඩියර් අයිඩීඩී ප්රනාන්දු (විශ්රාමික) හා අධ්යක්ෂ පුහුණු කර්නල් එච්එම්ඒඩී සරත්චන්ද්ර ජ්යෙෂ්ඨ නිලධාරින්ගේ මෙහෙයවීම මත 76 වන නිදහස් දින පෙළපාලිය සඳහා සාමාජිකයින් තෝරා ගැනීමේ අරමුණින් හා පුහුණු පෙරහුරුවක් වශයෙන් පවත්වන ලද අන්තර් බලකා සරඹ තරඟාවලිය සඳහා සහභාගී වූ බලකා 21 කට අයත් සමාජික සාමාජිකාවන් 446 දෙනෙකු වෙත සහතිකපත් ප්රදානය කිරිම ද මෙහිදී සිදුකරන ලදි.
2023 අන්තර් බලකා සරඹ තරඟාවලියේ ඇඳුම, පෙනුම, අවි සරඹ හා පා සරඹ පුද්ගලික කුසලතාවයන් වෙනුවෙන් සහතිකපත් ප්රධානය කළ අතර වැලිඔය බලකායේ ජ්යෙෂ්ඨ නියාමක එම් 008480 එම්එම්එස් මලලසේකර, සිවිල් ආරක්ෂක භට එම් 25489 එච්එම්සී ආරියදාස හා සිවිල් ආරක්ෂක භට එම් 019774 පීඩබ්කේ පියරත්න විසින් තුන්වන ස්ථානයේ සම ස්ථාන දිනා ගන්නා ලදී. දෙවන ස්ථානය වැලිඔය බලකායේ සිවිල් ආරක්ෂක භට එම් 035562 කේපීඑම්ටී ජයසේකර විසින් දිනාගත් අතර 2023 අන්තර් බලකා සරඹ තරඟාවලිය සඳහා සහභාගී වූ සියලුම සාමාජික සාමාජිකාවන් අභිභවමින් වැලිඔය බලකායේ කාන්තා සිවිල් ආරක්ෂක එෆ් 037461 පීටී දිල්හානී විසින් ප්රථම ස්ථානය දිනා ගන්නා ලදී. කණ්ඩායම් සරඹ තරඟාවලියේ තෙවන ස්ථානය මොණරාගල බලකාය හා දෙවන ස්ථානය මහඔය බලකාය විසින් දිනාගත් අතර ප්රථම ස්ථානයට හිමි ශූරතා කුසලානය වැලිඔය බලකාය විසින් දිනාගන්නා ලදී.
76 වන නිදහස් දින පෙළපාලිය නියෝජනය කළ සියලුදෙනා අමතමින්, ඔවුන්ගේ විවිධ දෛනික රාජකාරි වලින් බැහැරව අභියෝග හා බාධක ජයගනිමින් කැපවීම හා උනන්දුව තුළින් ඉතා කෙටි කාලයකදී ලද පුහුණුවෙන් අනෙකුත් සේවාවන් හා සසැදීමේදී කිසිවෙකුටත් නොදෙවනි සම මට්ටමේහිලා සැලකිය හැකි අයුරින් 76 වන නිසදහස් දින පෙළපාලියේ අභිමානවත් අයුරින් ගමන් කරමින් විදහා දැක්වූ කුසලතාවයන් හේතුවෙන් සමස්ත සිවිල් ආරක්ෂක දෙපාර්තමේන්තුව වෙත අත්වූ ගෞරවය හා කීර්ති නාමය වෙනුවෙන් අධ්යක්ෂක ජනරාල් තුමාගේ සුභාශිංෂණ එක් කරන ලදී.
විහාරමහාදේවි ව්යාපෘති භාර නිලධාරි ලුතිතන් කොමාණ්ඩර් එම්ජේපීටීඑස් පතිරණ ජ්යෙෂ්ඨ නිලධාරි විසින් මෙම උත්සව සංවිධානය කළ අතර සිවිල් ආරක්ෂක දෙපාර්තමේන්තු අධ්යක්ෂ මණ්ඩලයේ ජ්යෙෂ්ඨ නිලධාරින්, වෙන්නවත්ත බලකා අණදෙන නිලධාරි, ගල්කිරියාගම හා සේරුපිට පුහුණු පාසල් අණදෙන නිලධාරින් ඇතුළු 76 වන නිදහස් දින පෙළපාලිය සාර්ථක කරගැනීම සඳහා සහයදුන් සියලුම නිලධාරින්, ත්රිවිධ හමුදා සෙසු නිලයන් හා සිවිල් ආරක්ෂක සාමජික සාමාජිකාවන් මෙම අවස්ථාව සඳහා සහභාගී විය.
- விவரங்கள்
“හදමු අළුත් රටක් ” යන තේමාව පෙරදැරි කර ගනිමින් ශ්රී ලංකා ප්රජාතාන්ත්රික සමාජවාදී ජනරජයේ ජනාධිපති හා සන්නද්ධ හමුදා සේනාධිනායක, ගරු රනිල් වික්රමසිංහ මැතිතුමා ගේ ප්රධානත්වයෙන් සහ තායිලන්ත අග්රාමාත්ය ගරු සේතා තව්සින් (Srettha Thavisin) මැතිතුමාගේ ගෞරවණීය සහභාගීත්වයෙන් 2024 පෙබරවාරි 04 වන දින කොළඹ ගාලු මුවදොර දී පැවති 76 වන ජාතික නිදහස් දින සැමරුම් උළෙල සඳහා ත්රිවිධ හමුදාව, පොලීසිය සමඟින් සිවිල් ආරක්ෂක දෙපාර්තමේන්තුව අභිමානවත් අයුරින් සහභාගී විය.
සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරි පූර්ණ අධීක්ෂණය හා මඟ පෙන්වීම යටතේ බටහිර තූර්යවාදක කණ්ඩායම සමඟ නිලධාරින් 15 දෙනෙකු සහ සිවිල් ආරක්ෂක සාමාජික සාමාජිකාවන් 382 දෙනෙකු මෙවර ආචාර පෙළපාලිය සඳහා සහභාගී විය.
සිවිල් ආරක්ෂක දෙපාර්තමේන්තු ආචාර පෙළපාලියේ අණ දීම ලුතිතන් කර්නල් ආර්පීකේජී රණසිංහ ජ්යෙෂ්ඨ නිලධාරි විසින් සිදුකළ අතර සිවිල් ආරක්ෂක දෙපාර්තමේන්තු ධජය රැගෙනයාම මේජර් ජේපී විජේතුංග නිලධාරි විසින් සිදු කරන ලදී.
සිවිල් ආරක්ෂක දෙපාර්තමේන්තු සාමාජිකයින් 81 දෙනෙකුගෙන් යුත් පිරිමි කණ්ඩයේ අණදීම මේජර් එස් සී ද සිල්වා ආර්ඩබ්පී ආර්එස්පී නිලධාරි විසින් සිදුකළ අතර බළලත් 1 ඩීඑම් සෙනෙවිරත්න එම කණ්ඩය පසුපසින් ගමන් කරන ලදී. මේජර් කේජේආර්එස් පෙරේරා නිලධාරිගේ අණදීම යටතේ කාන්තා සාමාජිකාවන් 81දෙනෙකු ආචාර පෙළපාලියේ ගමන් ගත් අතර බළලත් නිලධාරි 1 ඩබ්එම්පීකේ විජේසිංහ එම කණ්ඩයේ පසුපසින් ගමන් ගමන් කරන ලදී.
නන්දිමිත්ර විශේෂ බලකායට අයත් සාමාජිකයින් 81 දෙනෙකුගෙන් යුත් කණ්ඩයේ අණදීම මේජර් එම්ඒඩී කුමාර නිලධාරි විසින් සිදු කළ අතර බළලත් නිලධාරි 1 සීඑන්ජේ චන්ද්රසූරිය එම කණ්ඩයේ පසුපසින් ගමන් කරන ලදී.
සිවිල් ආරක්ෂක ආචාර පෙළපාලියේ භට කණ්ඩ නියෝජනය කරමින් ත්රිවිධ හමුදා නිලධාරින් 02 දෙනෙකු සහ දිස්ත්රික් නිලධාරින් 08 දෙනෙකු ගමන් ගත් අතර සරඹ උපදේශකයින් 06 දෙනෙකු ද 76 වන නිදහස් දින පෙළපාලිය නියෝජනය කරමින් ගමන් කරන ලදී.
මෙම අවස්ථාව සඳහා සිවිල් ආරක්ෂක දෙපාර්තමේන්තු අතිරේක අධ්යක්ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්රාමික) ආර්එස්පී යූඑස්පී එන්ඩීයූ පීඑස්සී ජ්යෙෂ්ඨ නිලධාරි, දෙපාර්තමේන්තු අධ්යක්ෂ මණ්ඩලයේ ජ්යෙෂ්ඨ නිලධාරින් සහභාගී විය.
\
- விவரங்கள்
අනුරාධපුර ශ්රී සුමනාරාම විහාරාධිකාරී පූජ්ය ලිඳවැව අමරජෝති ස්වාමීන් වහන්සේගේ ආරාධනයෙන් අනුරාධපුර ශ්රී සුමනාරාම විහාරස්ථානයහි ඉදිකිරීමට යෝජිත චෛත්ය සඳහා මුල්ගල තැබීම හා නැදුම්ගමුවේ හස්තියාගේ අනුරුව විවෘත කිරීම 2024 ජනවාරි මස 15 වන දින සිවිල් ආරක්ෂක දෙපාර්තමේන්තු අධ්යක්ෂ ජනරාල් එයාර් වයිස් මාර්ෂල් ආර්එස් බියන්විල (විශ්රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්යෙෂ්ඨ නිලධාරි විසින් සිදුකළ අතර මෙහිදී අනුරාධපුර බලකායන්ට අයත් සාමජිකයින්ගේ පාසල් අධ්යාපනය ලබන දුවා දරුවන් වෙත පාසල් උපකරණ සහිත පාසල් බෑග් ප්රදානය කරන ලදී.
සිවිල් ආරක්ෂක සාමාජිකයින්ගේ ශ්රම දායකත්වයෙන් මහව බෝධිරුක්කාරාම විහාරස්ථානයේ අභිනවයෙන් ඉදිකළ මකර තොරණ විහාරාධිපති පූජ්ය ඉපලෝගම රතනසාරභිධාන ස්වාමීන් වහන්සේගේ ආරාධනය මත අධ්යක්ෂ ජනරාල් විසින් විවෘත කළ අතර මෙම අවස්ථාව සඳහා අනුරාධපුර බලකා අණදෙන නිලධාරි ඩීඑම්එල්ටී දිසානායක යූඑස්පී පීඑස්සී අයිජී ජ්යෙෂ්ඨ නිලධාරි හා සේවා වනිතා ඒකකයේ ගරු සභාපතිණිය ඇතුළු විහාරස්ථානයේ දායක පිරිස සහභාගී විය.
- விவரங்கள்