ශ්රී බුද්ධ වර්ෂ 2567 වන වෙසක් උත්සවය වෙනුවෙන් සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ මැතිතුමාගේ උපදෙස් පරිදි දිවයින පුරා පිහිටි බලකා මූලස්ථාන වෙතින් නිර්මාණය කරන ලද වර්ණවත් පහන් කූඩු ගංගාරාම බුද්ධ රශ්මී වෙසක් කලාපය, බෞද්ධාලෝක වෙසක් කලාපය හා ගාළු මුවදොර වෙසක් කලාපයන් හි ප්රදර්ශනය කරන ලදී.
සිවිල් ආරක්ෂක දෙපාර්තමේන්තුවේ සංස්කෘතික කණ්ඩායම විසින් 2023 මැයි මස 05 සහ 06 වන දෙදින බෞද්ධාලෝක වෙසක් කලාපය හා ගංගාරාම බුද්ධරශ්මී වෙසක් කලාප අලංකාරවත් කරමින් බැති ගී ප්රසංගය ඉදිරිපත් කරන ලදි.
සිවිල් ආරක්ෂක දෙපාර්තමේන්තුවේ කාර්යභාරය හා ඉදිරි දැක්ම පිළිබඳව සාකච්ඡාවක් 2023 අප්රේල් මස 19 වන දින සිවිල් ආරක්ෂක දෙපාර්තමේන්තු මූලස්ථාන සාකච්ඡා ශාලාවේදී ගරු ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මැතිතුමාගේ මූලිකත්වයෙන් පවත්වන ලදී.
මෙහිදී සිවිල් ආරක්ෂක දෙපාර්තමේන්තුවේ කාර්යභාරය, වගකීම් හා ඉදිරි දැක්ම ඇතුළු වී වගාව ප්රමුඛ කර ගනිමින් පත්වාගෙන යනු ලබන කෘෂි ව්යාපෘති, වෙනත් ව්යාපෘති, ඉදිකිරීම් රාජකාරී, නඩත්තු රාජකාරි, රාජ්ය ආයතන ආරක්ෂක සේවා රාජකාරී, විදුලි වැට ඉදිකිරීමේ රාජකාරී, නර්තන සහ සංගීත කණ්ඩායම් ආදියෙහි සේවාවන් ලබා දීම ආදී සේවාවන් මගින් රටේ ආර්ථික සංවර්ධනය නගා සිටුවීම සඳහා ලබා දෙන්න වූ සුවිශේෂී දායකත්වය පිළිබඳව අධ්යක්ෂ ජනරාල් හා අධ්යක්ෂ මණ්ඩලයේ නිලධාරින් සමඟ ගරු ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මැතිතුමා සාකච්ඡා කරන ලදී.
රටේ ආර්ථික සංවර්ධනය නගා සිටුවීම සඳහා මහඟු මෙහෙවරක් ඉටුකරමින් සිදුකරන්නාවූ සේවාව පිළිබඳව ප්රසංශා කළ ගරු ආරක්ෂක රාජ්ය අමාත්යතුමන් සිවිල් ආරක්ෂක දෙපාර්තමේන්තුවේ ප්රතිරූපය ඉහළමට්ටමකට ගෙන ඒම සඳහා උරදී ක්රියාකරන සියලුම නිලධාරින් හා සාමාජික සාමජිකාවන් ද ඇගයීමට ලක් කරන ලදී.
සේවා වනිතා ඒකකයේ අනුග්රාහක දායකත්වයෙන් සංවිධානය කළ කොවුල් අසිරිය බක්මහ උළෙල හා සේවා වනිතා අවුරුදු පොළ 2023 අප්රේල් මස 11 වන දින සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ ප්රදානත්වයෙන්, අතිරේක අධ්යක්ෂ ජනරාල් රියර් අද්මිරාල් මෙරිල් සුදර්ශන ඇතුළු අධ්යක්ෂ මණ්ඩලයේ ජ්යෙෂ්ඨ නිලධාරින්ගේ සහභාගිත්වයෙන් සිවිල් ආරක්ෂක දෙපාර්තමේන්තු මූලස්ථාන පරිශ්රයේ දී පවත්වන ලදී.
රබන් ගැසීම, කණාමුට්ටි බිදීම, බනිස් කෑම, ලොකුම බැළුනය පිම්බීම, පොල්අතු විවීම, සීපද ගායනය, පොල් ගෑමේ තරඟය, විවිධ ඇදුම් තරඟය, බක්මහ කුමරිය හා කුමරා තේරිමේ තරඟය ඇතුළු අවුරුදු ක්රීඩා හා සංස්කෘතික අංග රැසකින් කොවුල් අසිරිය බක්මහ උළෙල වර්ණවත් විය.
සිවිල් ආරක්ෂක දෙපාර්තමේන්තුව මගින් පවත්වාගෙන යනු ලබන ව්යාපෘතීන්හි නිෂ්පාදිත සහල්, මුං ඇට, කව්පි, කුරක්කන්, එළවළු, පළතුරු වැනි කෘෂි නිෂ්පාදන හා අත්කම් භාණ්ඩ ඇතුළු වියළි ආහාර ද්රව්ය ආදිය සේවා වනිතා අවුරුදු පොළහි සහන මිලට අලෙවි කළ අතර, මෙම අවස්ථාව සඳහා ත්රවිධ හමුදා, පොලිස් නිලධාරින්, සිවිල් කාර්ය මණ්ඩල නිලධාරින් ඇතුළු මූලස්ථානයේ රාජකාරී කරන සියලුම අයවළුන් සහභාගී විය.
රියර් අදිමිරාල් ඩබ්ඩීඊඑම් සුදර්ශන (විශ්රා) ආර්එස්පී, යූඑස්පී, එන්ඩීයූ, පීඑස්සී 2023 අප්රේල් මස 10 වන දින සිවිල් ආරක්ෂක දෙපාර්තමේන්තු මූලස්ථාන පරිශ්රයේ දී සිවිල් ආරක්ෂක දෙපාර්තමේන්තුවේ නව අතිරේක අධ්යක්ෂ ජනරාල් වශයෙන් වැඩ භාර ගන්නා ලදී.
ශ්රී ලංකා නාවික හමුදාවේ වසර 35 කට අධික කාලයක් කීර්තිමත් සේවයක් කළ රියර් අද්මිරාල් මෙරිල් සුදර්ශන නව තනතුරේ වැඩ භාර ගැනීමෙන් අනතුරුව සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ හමුවීමෙන් අනතුරුව අධ්යක්ෂ මණ්ඩලයේ නිලධාරින් ඇතුළු මාණ්ඩලික නිලධාරින් සමඟ දෙපාර්තමේන්තුවේ ඉදිරි කාර්යයන් සම්බන්ධයෙන් සාකච්ඡා කරන ලදී.
ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා හා ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශ සහ ජනාධිපති කාර්ය මාණ්ඩල ප්රධානී ගරු සාගල රත්නායක මැතිතුමා විසින් සිවිල් ආරක්ෂක දෙපාර්තමේන්තුවේ සාමාජික සාමාජිකාවන් අමතමින් “සියවසකට පියවරක්” යන තේමාව යටතේ ඉදිරි විසිපස් වසර සඳහා වන ශ්රී ලංකාවේ සංවර්ධන ප්රවේශයට අනුගත වෙමින් පැවරෙන සියලුම වගකීම් කැපවීමෙන් හා හැකි උපරිම අයුරින් ඉටු කිරීමටත්, රටේ සංවර්ධනය වෙනුවෙන් සිවිල් ආරක්ෂක දෙපාර්තමේන්තුවේ සේවාව කාර්යක්ෂමව හා ඵලදායීව යොදා ගනිමින් මෙම දෙපාර්තමේන්තුවේ අනාගත අභිවෘද්ධිය වෙනුවෙන් සිදුකිරීමට නියමිත ඉදිරි ක්රියාමාර්ග පිළිබඳව නිලධාරින් හා සාමාජික සාමාජිකාවන් දැනුවත් කරමින් පවත්වන ලද කථාවේ සජීවි විකාශය.
ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා හා ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සහ ජනාධිපති කාර්ය මාණ්ඩල ප්රධානී ගරු සාගල රත්නායක මැතිතුමා 2023 මාර්තු මස 24 වන දින සිවිල් ආරක්ෂක දෙපාර්තමේන්තු මූලස්ථානයේ නිරීක්ෂණ සංචාරයක නිරත විය.
මූලස්ථානයට සපැමිණි ප්රභූවරුන් අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ මැතිතුමා විසින් පිළිගත් අතර සිවිල් ආරක්ෂක දෙපාර්තමේන්තුවේ කාර්යභාරය හා ඉදිරි දැක්ම පිළිබඳව අධ්යක්ෂ ජනරාල්තුමා හා අධ්යක්ෂ මණ්ඩලයේ නිලධාරින් සමඟ සාකච්ඡා කිරීමෙන් අනතුරුව මූලස්ථාන පරිශ්රයේ රාජකාරි කටයුතු ද නිරික්ෂණය කරන ලදී.
ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා හා ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශ සහ ජනාධිපති කාර්ය මාණ්ඩල ප්රධානී ගරු සාගල රත්නායක මැතිතුමා විසින් සිවිල් ආරක්ෂක දෙපාර්තමේන්තුවේ සාමාජික සාමාජිකාවන් අමතමින් “සියවසකට පියවරක්” යන තේමාව යටතේ ඉදිරි විසිපස් වසර සඳහා වන ශ්රී ලංකාවේ සංවර්ධන ප්රවේශයට අනුගත වෙමින් පැවරෙන සියලුම වගකීම් කැපවීමෙන් හා හැකි උපරිම අයුරින් ඉටු කිරීමටත්, රටේ සංවර්ධනය වෙනුවෙන් සිවිල් ආරක්ෂක දෙපාර්තමේන්තුවේ සේවාව කාර්යක්ෂමව හා ඵලදායීව යොදා ගනිමින් මෙම දෙපාර්තමේන්තුවේ අනාගත අභිවෘද්ධිය වෙනුවෙන් සිදුකිරීමට නියමිත ඉදිරි ක්රියාමාර්ග පිළිබඳව නිලධාරින් හා සාමාජික සාමාජිකාවන් දැනුවත් කරන ලදී.
මෙම අවස්ථාව සනිටුහන් කරනු වස් සමරු සටහනක් සහ සමූහ ඡායාරූපයකට පෙනි සිටිමින් සංචාරය අවසන් කරන ලදී.
“ඇය දැයේ අභිමානයයි” යන තේමාව පෙරදැරි කර ගනිමින් සිවිල් ආරක්ෂක දෙපාර්තමේන්තුවේ සේවා වනිතා ඒකකයේ සභාපතිනි උපේන්ද්රා කාරියවසම් ලමාහේවාගේ මැතිණියගේ හා අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ මැතිතුමාගේ ප්රධානත්වයෙන් ජාත්යාන්තර කාන්තා දින සැමරුම් වැඩසටහන 2023 මාර්තු මස 08 වන දින දෙපාර්තමේන්තු මූලස්ථාන පරිශ්රයේදී පවත්වන්නට යෙදුණි.
ශ්රී ලාංකීය කාන්තාවගේ අභිමානය හා වර්තමානයේ කාන්තාවට හිමි අයිතිවාසිකම් පිළිබඳව හරවත් සංවාදයක් ශ්රී ලංකා පොලීසියේ ප්රජා පොලිස් කොට්ඨාශයේ ස්ථානාධිපති ප්රවින දේශක ප්රධාන පොලිස් පරීක්ෂක මනෝජ් සමරසේකර මැතිතුමා සහ ජාතික රූපවාහිනියේ නිවේදිකා ප්රභා රාජගුරු විසින් මෙහෙයවන ලද අතර, මානසික රෝග විශේෂඥ ජ්යෙෂ්ඨ මනෝවිද්යා උපදේශක කමල් එස් ජයසේකර මැතිතුමා විසින් කාන්තා දින සැමරුම වෙනුවෙන් හරවත් දේශනයක් පවත්වන ලදි. සහභාගී වූ සියලුම සිවිල් ආරක්ෂක සාමාජිකාවන් වෙනුවෙන් දිනුම් ඇදිමකින් තිලිණ ප්රදානය කිරීම ද සිදු කරන ලදී.
ප්රජා පොලිස් හා පාරිසරික දිශාව භාර නියෝජ්ය පොලිස්පති රොෂාන් ඩයස් මැතිතුමා, සිවිල් ආරක්ෂක දෙපාර්තමේන්තුවේ අධ්යක්ෂ මණ්ඩලයේ නිලධාරින්, සේවා වනිතා ඒකකයේ ක්රියාකාරී සාමාජිකාවන් හා ප්රවීන රංගනවේදී අනුර ශ්රීනාත් මහතා ද මෙම අවස්ථාව සඳහා සහභාගී විය.
සිවිල් ආරක්ෂක දෙපාර්තමේන්තුව මගින් පවත්වාගෙන යනු ලබන කෘෂි ව්යාපෘතී සඳහා අවශ්ය කරනු ලබන බීජ වර්ග දෙපාර්තමේන්තුව තුළම නිපදවා ගැනීමට අවශ්ය මූලික දැනුම ලබා දීම සඳහා 2023 පෙබරවාරි මස 14 වන දින සිට 16 වන දින දක්වා සිවිල් ආරක්ෂක දෙපාර්තමේන්තුවේ මූල්ය දායකත්වයෙන් ස්වයං බීජ නිපදවීමේ තෙදින නේවාසික වැඩමුළුවක් මහඉලුප්පල්ලම සේවා සංරක්ෂණ අභ්යාස ආයතනයේ දී පවත්වන ලදී.
අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ මැතිතුමාගේ උපදෙස් පරිදි අධ්යක්ෂ ව්යාපෘති බ්රිගේඩියර් අනුර දිසානායකගේ සම්බන්නධීකරණයෙන් උතුරුමැද පළාත් කෘෂිකර්ම අධ්යක්ෂක සහ මහඉලුප්පල්ලම සේවා සංස්කරණ අභ්යාස ආයතනයේ නියෝජ්ය අධ්යක්ෂකගේ මැදිහත්වීමෙන් මෙම වැඩමුළුව සංවිධානය කළ අතර ක්ෂේත්ර බෝග පර්යේෂණ හා සංවර්ධණ අයතනයේ නිලධාරින් හා ගොවිපළ කළමණාකරු විසින් දේශණ මෙහෙයවන ලදී.
ජ්යෙෂ්ඨ මාණ්ඩලික නිලධාරි ව්යාපෘති මේජර් ජගත් විජේතුංග ඇතුළු කෘෂි ව්යාපෘතින් හි නියැලෙන සිවිල් ආරක්ෂක සාමජිකයින් 30 දෙනෙකු මේ සඳහා සහභාගී වූ අතර වැඩමුළුව අවසානයේ උතුරු මැද පළාත් කෘෂිකර්ම ආයතනය මගින් සහතික පතක් ද පිරිනමන ලදී.
සිවිල් ආරක්ෂක දෙපාර්තමේන්තුව නියෝජනය කරමින් 75 වන ජාතික නිදහස් දින සැමරුම් පෙළපාලිය සඳහා සහභාගී වූ දෙපාර්තමේන්තුවට අනුයුක්ත ත්රිවිධ හමුදා නිලධාරින්, සිවිල් ආරක්ෂක දිස්ත්රික් නිලධාරින් ඇතුළු සිවිල් ආරක්ෂක සාමාජික සාමාජිකාවන් හා නිදහස් දින පෙළපාලිය සඳහා සහාය දැක්වූ සියලුම අයවලුන් ඇගයීමට ලක් කරමින් 2023 පෙබරවාරි 04 වන දින ජාතික නිදහස් සමරු පෙළපාලියෙන් අනතුරුව විහාරමහාදේවි උද්යානයේ දී අධ්යක්ෂ ජනරාල් මේජර් ජෙනරාල් රන්ජන් ලමාහේවාගේ මැතිතුමන්ගේ ප්රධානත්වයෙන් සහතිකපත් ප්රදානය කරන ලදී.
එහිදී 75 වන ජාතික නිදහස් දින සැමරුම් පෙළපාලිය සඳහා සහභාගී වූ සියලුම නිලධාරින් හා සාමාජික සාමාජිකාවන් අමතා සුභාෂිංසන එක් කළ අධ්යක්ෂ ජනරාල් තුමා සිවිල් ආරක්ෂක දෙපාර්තමේන්තුවට කීර්තියක් හා අභිමානයක් ලබා දෙමින් ජාතික නිදහස් දින පෙළපාලිය සඳහා සහභාගී වීම සම්බන්ධයෙන් කෘතඥපූර්වක ස්තුතිය ද පුදකරන ලදී. මෙම අවස්ථාව සඳහා දෙපාර්තමේන්තුවේ අධ්යක්ෂ මණ්ඩලයේ නිලධාරින් සහ මාණ්ඩලික නිලධාරින් ද සහභාගී විය.