සිවිල් ආරක්ෂක දෙපාර්තමේන්තුව වෙනුවෙන් 74 වන ජාතික නිදහස් දින සැමරුම් පෙළපාලිය සඳහා සහභාගී වූ හා සහාය දැක්වු සිවිල් ආරක්ෂක දෙපාර්තමේන්තුවට අනුයුක්තව සේවය කරන ත්රිවිධ හමුදා නිලධාරීන්, සිවිල් ආරක්ෂක දෙපාර්තමේන්තු දිස්ත්රික් නිලධාරීන් ඇතුළු සාමාජික සාමාජිකාවන් ඇගයීමට ලක් කරමින් සහතික පත්ර ප්රදානය කිරීම විහාර මහා දේවි උද්යානයේ දී 2022 පෙබරවාරි 04 වන දින 74 වන නිදහස් සමරු පෙළපාලියට පසු සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමන්ගේ ප්රධානත්වයෙන් සිදු කරන ලදී.
අධ්යක්ෂ ජනරාල් තුමා විසින් 74 වන ජාතික නිදහස් දින සැමරුම් පෙළපාලිය සඳහා සහභාගී වූ සියලුම නිලධාරීන් හා සාමාජික සාමාජිකාවන් අමතා සුභාශිංශන එක් කරමින් ඔවුන් ඇගයීමට ලක්කර සහතික පත් ප්රදානය කිරීම සිදුකරන ලද අතර, සිවිල් ආරක්ෂක දෙපාර්තමේන්තුවේ අතිරේක අධ්යක්ෂ ජනරාල් රියර් අද්මිරාල් යූඅයි සේරසිංහ මැතිතුමා ප්රධාන අධ්යක්ෂ මණ්ඩලයේ නිළධාරීන්ද මේ සඳහා සහභාගී විය.
“අභියෝග ජයගත් ඉසුරුමත් හෙට දිනක් - සෞභාග්යමත් මව්බිමක්” යන තේමාව යටතේ 74 වන ජාතික නිදහස් දින ප්රධාන සැමරුම් උත්සවය සෞඛ්ය මාර්ගෝපදේශයන්ට යටත්ව අභිමානවත් ලෙස කොළඹ නිදහස් චතුරශ්රයේදී ශ්රී ලංකා ප්රජාතාන්ත්රික සමාජවාදී ජනරජයේ අතිගරු ජනාධිපති හා සේනාධිනායක ගෝඨාභය රාජපක්ෂ මැතිතුමාගේ ප්රධානත්වයෙන් 2022 පෙබරවාරි 04 වන අද දින පවත්වන ලදී.
ත්රිවිධ හමුදා හා ශ්රී ලංකා පොලිස් භට පිරිස් සමඟ සිවිල් ආරක්ෂක දෙපාර්තමේන්තු බටහිර තූර්යවාදක කණ්ඩායම හා දෙපාර්තමේන්තු ධජය පෙරටු කරගනිමින් නිලධාරීන් 14 දෙනෙකුගෙන් සහ සිවිල් ආරක්ෂක සාමාජික සාමාජිකාවන් 421ක් දෙනෙකුගෙන් සමන්විතව 74 වන ජාතික නිදහස් දින සැමරුම් උත්සව පෙළපාලිය සඳහා අභිමානයෙන් සහභාගී විය.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමන්ගේ උපදෙස් හා මඟ පෙන්වීම යටතේ පෙළපාලියේ අණ දෙන්නා ලෙස ශ්රී ලංකා සිංහ රෙජිමේන්තුවට අයත් ලුතිනන් කර්නල් කමල් දයාප්රිය ජ්යෙෂ්ඨ නිලධාරි කටයුතු කළ අතර, පෙළපාලියේ රෙජිමේන්තු සැරයන් මේජර් ලෙස පස්වන ගජබා රෙජිමේන්තුවේ බළලත් නිලධාරී ඩීඑම් සෙනෙවිරත්න කටයුතු කළේය.
සිවිල් ආරක්ෂක දෙපාර්තමේන්තුවේ පළවන (පිරිමි) සම්මාන සරඹ කාණ්ඩය මේජර් සෙනෙවි දිසානායකගේ අණදීම යටතේ කණ්ඩ භාර යුධ හමුදා නිලධාරින් තිදෙනෙකුගෙන් සහ සිවිල් ආරක්ෂක සාමාජිකයින් 81කින් සමන්විත වූ අතර, දෙවන (කාන්තා) සම්මාන සරඹ කාණ්ඩය ලුතිනන් කොමාණ්ඩර් ඉන්දික පුෂ්ප කුමාරගේ අණදීම යටතේ කණ්ඩ භාර දිස්ත්රික් නිලධාරීනියන් තිදෙනෙකු හා සිවිල් ආරක්ෂක සාමාජිකාවන් 90කින් සමන්විත විය.
සිවිල් ආරක්ෂක දෙපාර්තමේන්තුවේ නන්දිමිත්ර බලකායට අයත් විශේෂ ප්රහාරක කණ්ඩය තුන්වන සරඹ කාණ්ඩය ලෙස ලුතිතන් කොමාණ්ඩර් නිමල් ලංකාගේ අණදීම යටතේ කණ්ඩ භාර දිස්ත්රික් නිලධාරීන් තිදෙනෙකු හා නන්ද්රිමිත්ර විශේෂ පුහුණුව ලැබූ සිවිල් ආරක්ෂක සාමාජිකයින් 81කින් සමන්විතව 74 වන නිදහස් දින සැමරුම් පෙළපාලියේ ගෞරවාන්විතව තම ආචාරය පිරිනමමින් ගමන් කරන ලදී.
2022 පෙබරවාරි මස 04 වන දිනට යෙදෙන 74 වන ජාතික නිදහස් දින සැමරුම වෙනුවෙන් ත්රිවිධ හමුදාව, පොලීසිය හා සිවිල් ආරක්ෂක දෙපාර්තමේන්තු සාමාජික සාමාජිකාවන් ගෙන් සැදුම්ලත් ආචාර පෙළපාලියේ පෙර පුහුණුවීම් සෞඛ්ය මාර්ගෝපදේශයන් අනුගමනය කරමින් කොළඹ නිදහස් චතුරශ්රයේදී අද දින පැවැත්විණි.
ආරක්ෂක මාණ්ඩලික ප්රධානී සහ යුධ හමුදාපති ප්රධාන ත්රිවිධ හමුදාපතිවරුන් සමඟ සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමන් නිදහස් චතුරශ්ර පරිශ්රයට පැමිණ ආචාර පෙළපාලියේ පෙර පුහුණුවීම් නිරීක්ෂණය කළ අතර, සිවිල් ආරක්ෂක දෙපාර්තමේන්තුවේ අතිරේක අධ්යක්ෂ ජනරාල් රියර් අද්මිරාල් උදේනි සේරසිංහ මැතිතුමාද මෙම අවස්ථාවට සහභාගීවිය.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමාගේ උපදෙස් මත සේවා වනිතා ඒකකයේ ගරු සභාපතිනි උපේන්ද්රා කාරියවසම් මැතිණියගේ මඟපෙන්වීම යටතේ සිවිල් ආරක්ෂක දෙපාර්තමේන්තු සේවා වනිතා ඒකකය මගින් දෙපාර්තමේන්තු සාමාජික සාමාජිකාවන් 36,758 දෙනෙකුගේ පාසල් යන දුවා දරුවන් 39,747 දෙනෙකු සඳහා නොමිලේ පාසල් අභ්යාස පොත් බෙදා දීම සංකේතවත් කරමින් පවත්වන ප්රධාන උත්සවය 2022 ජනවාරි මස 20 වන දින සුහුරුපාය ප්රධාන ශ්රවණාගාරයේදී ශ්රී ලංකා යුධ හමුදා සේවා වනිතා ඒකකයේ ගරු සභාපතිනී සුජීවා නෙල්සන් මැතිණියගේ ප්රධානත්වයෙන් පැවැත්විණි.
මෙම උත්සවය සඳහා නාවික හමුදා සේවා වනිතා ඒකකයේ සභාපතිනී චන්දිමා උළුගේතැන්න මැතිණිය, ගුවන් හමුදා සේවා වනිතා ඒකකයේ සභාපතිනී චාමිනී පතිරණ මැතිණිය හා සිවිල් ආරක්ෂක දෙපාර්තමේන්තු සේවා වනිතා ඒකකයේ සභාපතිණි උපේන්ද්රා කාරියවසම් මැතිණිය ඇතුළු සම්භාවනීය අමුත්තන් සහභාගී වූ අතර, සිවිල් ආරක්ෂක දෙපාර්තමේන්තු සේවා වනිතා ඒකකය මගින් පාසල් අභ්යාස පොත් ලබා දීමට මිලියන 12ක ප්රතිපාදන වෙන් කළ අතර, ඊට අමතරව ශිෂ්යත්ව විභාගය ඉහළින් සමත් දුවා දරුවන් 04 දෙනකු සඳහා ශිෂ්යත්ව හා පාසල් උපකරණ ලබා දීම ද, අපොස උසස් පෙළ විභාගයේදී විද්යා, වාණිජ, කලා යන විෂයධාරා තුනෙන් වැඩිම ලකුණු ලබා ගෙන විශ්වවිද්යාල වරම් ලැබූ දුවා දරුවන් 03 දෙනෙකු සඳහා ලැප්ටොප් පරිගණක ලබා දීම ද මීට සමගාමීව සිදුකරන්නට යෙදුණි.
අනුරාධපුර බලකා අණදෙන නිලධාරී ලුතිතන් කර්නල් හර්ෂ ප්රේමචන්ද්ර ජ්යෙෂ්ඨ නිලධාරීගේ ඉල්ලීම පරිදි උතුරු මැද පළාත් සෞඛ්ය සේවා වෛද්ය නිලධාරී කර්යාලයේ මැදිහත් වීමෙන් සිවිල් ආරක්ෂක දෙපාර්තමේන්තුවේ අනුරාධපුර බලකායට අනුයුක්තව රාජකාරී කරන සියලුම සාමාජික සාමාජිකාවන් වෙත කොවිඩ් මර්දන තුන්වන මාත්රාව එන්නත් කිරීම රඹෑව මහා විද්යාලීය ක්රීඩාංගණයේදී පසුගියදා සිදුකරන ලදී.
එම අවස්ථාව සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා විසින් නිරීක්ෂණය කළ අතර එම කාර්යය සාර්ථක කර ගැනීම සඳහා අවශ්ය උපදෙස් ලබා දීමෙන් අනතුරුව මේ සඳහා දායකත්වය සැපයූ සියළුම දෙනාහට තම කෘතවේදී ස්තූතිය පුද කරන ලදී.
අනුරාධපුර බලකා අණදෙන නිලධාරී ලුතිතන් කර්නල් හර්ෂ ප්රේමචන්ද්ර ජ්යෙෂ්ඨ නිලධාරීගේ ඉල්ලීම පරිදි උතුරු මැද පළාත් සෞඛ්ය සේවා වෛද්ය නිලධාරී කර්යාලයේ මැදිහත් වීමෙන් සිවිල් ආරක්ෂක දෙපාර්තමේන්තුවේ අනුරාධපුර බලකායට අනුයුක්තව රාජකාරී කරන සියලුම සාමාජික සාමාජිකාවන් වෙත කොවිඩ් මර්දන තුන්වන මාත්රාව එන්නත් කිරීම රඹෑව මහා විද්යාලීය ක්රීඩාංගණයේදී පසුගියදා සිදුකරන ලදී.
එම අවස්ථාව සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා විසින් නිරීක්ෂණය කළ අතර එම කාර්යය සාර්ථක කර ගැනීම සඳහා අවශ්ය උපදෙස් ලබා දීමෙන් අනතුරුව මේ සඳහා දායකත්වය සැපයූ සියළුම දෙනාහට තම කෘතවේදී ස්තූතිය පුද කරන ලදී.
දීඝවාපිය ස්ථූප භූමියේ මැතකදී සිදුකල කැණීම්වලින් සොයාගන්නා ලද සර්වඥ ධාතූන් වහන්සේලා මහා සංඝරතනයේ ආශිර්වාද මධ්යයේ දීඝවාපි විහාරස්ථාන පරිශ්රයේ විශේෂයෙන් ඉදිකරන ලද ධාතු මන්දිරය තුළ තැන්පත් කිරීම ආරක්ෂක ලේකම් හා නැගෙනහිර පළාතේ පුරාවිද්යා උරුම කළමණාකරන සඳහා වන ජනාධිපති කාර්ය සාධක බලකායේ සභාපති ජනරාල් කමල් ගුණරත්න (විශ්රා) මැතිතුමාගේ ප්රධානත්වයෙන් 2022 ජනවාරි මස 17 වන දුරුතු පෝදා සිදු කරන ලදී.
මෙම උත්සව අවස්ථාව සඳහා යුධ හමුදාධිපති ජනරාල් ශවේන්ද්ර සිල්වා මැතිතුමා හා සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා ඇතුළු සම්භාවනීය අමුත්තන්ගේ සහභාගීත්වයෙන් මෙම තැම්පත් කිරීමේ පුන්යෝත්සවය පවත්වන්නට යෙදුණි. කැණීම්වලදී සොයා ගන්නා ලද මෙම ධාතූන් වහන්සේලා අම්පාර දිස්ත්රික් ලේකම් කාර්යාලයේ තැන්පත් කර තිබූ අතර එහි සිට දීඝවාපිය විහාරස්ථානය වෙත ත්රිවිධ හමුදා සහ සිවිල් ආරක්ෂක සාමාජික සාමාජිකායන්ගේ දායකත්වයෙන් යුත් පෙරහැරකින් වඩම්මන ලදී.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමාගේ උපදෙස් පරිදි අනුරාධපුර බලකා අණදෙන නිලධාරී ලුතිතන් කර්නල් හර්ෂ ප්රේමචන්ද්ර ජ්යෙෂ්ඨ නිලධාරීගේ මැදහත් වීමෙන් MY VISION EYE CHANNEL CENTER ආයතනය සමඟ සම්බන්ධ වී 2022 ජනවාරි මස 06 වන දින අනුරාධපුර බලකා මූලස්ථානයේදී ඇස් පරීක්ෂා කිරීමේ කඳවුරක් පවත්වන ලදී.
අනුරාධපුර බලකායට අනුයුක්තව සේවය කරන ඇස් පරීක්ෂා කිරීමෙන් අනතුරුව 57 දෙනෙකු සඳහා ඇස් කණ්නාඩි ලබා ගැනීම සඳහා වෛද්ය සහතික ලබා දෙන ලද අතර එම ආයතනය මගින් ඇස් කණ්නාඩි ලබා ගන්නේ නම් 10% ක වට්ටමක් ලබා දීමටද කටයුතු කරන ලදී.
කොළොන්නාව නගර සභා ක්රීඩා සමාජිය මගින් සංවිධානය කළ ජයසිරි රත්නායක අනුස්මරණ තුන්කොන් එල්ලේ තරඟාවලිය කොළොන්නාව උමගිලිය මහජන ක්රීඩාංගණයයේදී පසුගියදා පැවැත්විය. සිවිල් ආරක්ෂක දෙපාර්තමේන්තු එල්ලේ කණ්ඩායම, කොළොන්නාව නගර සභා කණ්ඩායම සහ පෑලියගොඩ නගර සභා කණ්ඩායම මෙම තරඟාවලිය සඳහා සහභාගී විය.
තරඟාවලියේ සමස්ථ ශූරතාවය සිවිල් ආරක්ෂක දෙපාර්තමේන්තු කණ්ඩායම දිනාගත් අතර, වෙන්නවත්ත බලකායේ ඩබ්පීආර් මධුරංග තරඟාවලියේ දක්ෂතම ක්රීඩකයා හා වැඩිම ලකුණු ලබා ගත් ක්රීඩකයා ලෙස කුසලාන දිනා ගත්තේය.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා 2022 ජනවාරි මස 11 වන දින දෙපාර්තමේන්තු මූලස්ථානයේදී මෙම තරඟාවලිය සඳහා සහභාගී වූ එල්ලේ කණ්ඩායම ඇගයීමට ලක් කරමින් තම සුභාශිංසන එක් කරන ලදී.