දීඝවාපිය ස්ථූප භූමියේ මැතකදී සිදුකල කැණීම්වලින් සොයාගන්නා ලද සර්වඥ ධාතූන් වහන්සේලා මහා සංඝරතනයේ ආශිර්වාද මධ්යයේ දීඝවාපි විහාරස්ථාන පරිශ්රයේ විශේෂයෙන් ඉදිකරන ලද ධාතු මන්දිරය තුළ තැන්පත් කිරීම ආරක්ෂක ලේකම් හා නැගෙනහිර පළාතේ පුරාවිද්යා උරුම කළමණාකරන සඳහා වන ජනාධිපති කාර්ය සාධක බලකායේ සභාපති ජනරාල් කමල් ගුණරත්න (විශ්රා) මැතිතුමාගේ ප්රධානත්වයෙන් 2022 ජනවාරි මස 17 වන දුරුතු පෝදා සිදු කරන ලදී.
මෙම උත්සව අවස්ථාව සඳහා යුධ හමුදාධිපති ජනරාල් ශවේන්ද්ර සිල්වා මැතිතුමා හා සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා ඇතුළු සම්භාවනීය අමුත්තන්ගේ සහභාගීත්වයෙන් මෙම තැම්පත් කිරීමේ පුන්යෝත්සවය පවත්වන්නට යෙදුණි. කැණීම්වලදී සොයා ගන්නා ලද මෙම ධාතූන් වහන්සේලා අම්පාර දිස්ත්රික් ලේකම් කාර්යාලයේ තැන්පත් කර තිබූ අතර එහි සිට දීඝවාපිය විහාරස්ථානය වෙත ත්රිවිධ හමුදා සහ සිවිල් ආරක්ෂක සාමාජික සාමාජිකායන්ගේ දායකත්වයෙන් යුත් පෙරහැරකින් වඩම්මන ලදී.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමාගේ උපදෙස් පරිදි අනුරාධපුර බලකා අණදෙන නිලධාරී ලුතිතන් කර්නල් හර්ෂ ප්රේමචන්ද්ර ජ්යෙෂ්ඨ නිලධාරීගේ මැදහත් වීමෙන් MY VISION EYE CHANNEL CENTER ආයතනය සමඟ සම්බන්ධ වී 2022 ජනවාරි මස 06 වන දින අනුරාධපුර බලකා මූලස්ථානයේදී ඇස් පරීක්ෂා කිරීමේ කඳවුරක් පවත්වන ලදී.
අනුරාධපුර බලකායට අනුයුක්තව සේවය කරන ඇස් පරීක්ෂා කිරීමෙන් අනතුරුව 57 දෙනෙකු සඳහා ඇස් කණ්නාඩි ලබා ගැනීම සඳහා වෛද්ය සහතික ලබා දෙන ලද අතර එම ආයතනය මගින් ඇස් කණ්නාඩි ලබා ගන්නේ නම් 10% ක වට්ටමක් ලබා දීමටද කටයුතු කරන ලදී.
කොළොන්නාව නගර සභා ක්රීඩා සමාජිය මගින් සංවිධානය කළ ජයසිරි රත්නායක අනුස්මරණ තුන්කොන් එල්ලේ තරඟාවලිය කොළොන්නාව උමගිලිය මහජන ක්රීඩාංගණයයේදී පසුගියදා පැවැත්විය. සිවිල් ආරක්ෂක දෙපාර්තමේන්තු එල්ලේ කණ්ඩායම, කොළොන්නාව නගර සභා කණ්ඩායම සහ පෑලියගොඩ නගර සභා කණ්ඩායම මෙම තරඟාවලිය සඳහා සහභාගී විය.
තරඟාවලියේ සමස්ථ ශූරතාවය සිවිල් ආරක්ෂක දෙපාර්තමේන්තු කණ්ඩායම දිනාගත් අතර, වෙන්නවත්ත බලකායේ ඩබ්පීආර් මධුරංග තරඟාවලියේ දක්ෂතම ක්රීඩකයා හා වැඩිම ලකුණු ලබා ගත් ක්රීඩකයා ලෙස කුසලාන දිනා ගත්තේය.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා 2022 ජනවාරි මස 11 වන දින දෙපාර්තමේන්තු මූලස්ථානයේදී මෙම තරඟාවලිය සඳහා සහභාගී වූ එල්ලේ කණ්ඩායම ඇගයීමට ලක් කරමින් තම සුභාශිංසන එක් කරන ලදී.
සිවිල් ආරක්ෂක දෙපාර්තමේන්තුවේ පිහිණුම් හා ජීවිතාරක්ෂක කණ්ඩයේ රාජකාරී නියුතු එන්එස් ප්රියසංඛ, පීඑල්එම් ප්රේමරත්න හා පීටීඑස් දිසානයක යන සිවිල් ආරක්ෂක සාමාජිකයින් විසින් 2022 දෙසැම්බර් 17 වන දින ගල්කිස්ස මුහුදේ දිය නෑමට පැමිණ දියේ ගසාගෙන ගොස් දිය අනතුරකට ලක්වූ දෙහිවල ප්රදේශයේ පදිංචි පුද්ගලයින් දෙදෙනෙකුගේ ජීවිත බේරා ගන්නා ලදී.
තම ජීවිතය පරදුවට තබා අන් ජීවිතයක් බේරාගැනීම වෙනුවෙන් කැපවී සේවය කල මෙම සිවිල් ආරක්ෂක සාමාජිකයින් සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා විසින් 2022 ජනවාරි මස 11 වන දින දෙපාර්තමේන්තු මූලස්ථානයේදී විශේෂ ඇගයීමට ලක් කරන ලද අතර, දෙපාර්තමේන්තුවේ කීර්ති නාමය වැඩිවන ආකාරයට තවදුරටත් මෙවැනි ක්රියාවන් සිදුකරන මෙන් ඔවුන්ව දිරිමත් කරන ලදී.
කතරගම බලකා අණදෙන නිලධාරී තුමාගේ ඉල්ලීම මත කෘෂිකර්ම දෙපාර්තමේන්තුවේ නිලධාරින්ගේ උපදෙස් පරිදි සිවිල් ආරක්ෂක දෙපාර්තමේන්තුවේ කතරගම බලකාය මගින් කාබනික පොහොර සහ ස්වභාවික අමුද්රව්ය පමණක් භාවිතා කරමින් තංගල්ල නෙතුල් පිටිය කෝන්වත්ත ප්රදේශයේ අක්කර 2.5ක කහ වගා ව්යාපෘතියක් ආරම්භ කර ඇති අතර, සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා පසුගියදා මෙම ව්යාපෘතියේ නිරීක්ෂණ චාරිකාවක නිරත විය.
මෙම කහ වගා ව්යාපෘතිය සඳහා තංගල්ල අපනයන කෘෂි කාර්මික දෙපාර්තමේන්තුවෙන් බීජ කිලෝ 600ක් සහ කතරගම බලකායේ සාමාජික සාමාජිකාවන් විසින් කහ බඳුන් පැල 300ක් ලබා දුන් අතර, අක්කර 2.5ක් පුරා පැතිර ඇති මෙම භූමිය එළිපෙහෙළි කිරීම, මූලික බිම් සැකසීම, ද්විතීක බිම් සැකසීම හා බීජ රෝපණය කිරීම ආදී සියලුම ක්රියාවන් සිවිල් ආරක්ෂක දෙපාර්තමේන්තු සාමාජිකයින්ගේ ශ්රම දායකත්වයෙන් හා තාක්ෂණික දැනුම භාවිතා කරමින් දැනට ක්රියාත්මක අතර, මෙම ව්යාපෘතියෙන් කහ කිලෝ 6000ක පමණ අස්වැන්නක් ලබා ගැනීමට බලාපොරොත්තු වේ.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමාගේ ප්රධානත්වයෙන් 2022 ජනවාරි මස 03 වන දින දෙපාර්තමේන්තු මූලස්ථාන පරිශ්රයේදී රාජ්ය සේවා ප්රතිඥාව කියවීමෙන් අනතුරුව 2022 වසර සඳහා රාජකාරී ආරම්භ කරන ලදී.
එහිදී අධ්යක්ෂ ජනරාල්තුමන් විසින් 2022 නව වසර වෙනුවෙන් සුභාශිංසන එක් කරමින් රට හදන සෞභාග්යයේ දැක්ම පෙරදැරි කර ගනිමින් විනයගරුක, නීතිගරුක, ගුණගරුක, සහ සෞඛ්ය සම්පන්න සමාජයක් බිහිකිරීම සඳහා පැවරෙන රාජකාරීන් කාර්යක්ෂමව, ඵලදායීව, තිර අදිටනින් යුතුව, උපරිම කැපවීමෙන්, අවංකභාවයෙන්, මහජනතාවට පක්ෂපාතීව හා සිවිල් ආරක්ෂක දෙපාර්තමේන්තුවේ අනාගත අභිවෘද්ධිය වෙනුවෙන් ඉටු කරන මෙන් උපදෙස් ලබා දෙන ලද අතර, මේ සඳහා සිවිල් ආරක්ෂක දෙපාර්තමේන්තුවේ රාජකාරී කරන ත්රිවිධ හමුදා සහ පොලිස් නිලධාරීන් සමඟ සිවිල් ආරක්ෂක දෙපාර්තමේනතුවේ රාජකාරී කරන සියලුම සාමාජික සාමාජිකාවන් සෞඛ්ය මාර්ගෝපදේශයන් අනුගමනය කරමින් සහභාගී විය.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමා 2021 දෙසැම්බර් මස 24 වන දින මොණරාගල බලකායේ නිරීක්ෂණ චාරිකාවක නිරත වූ අතර, එහිදී බලකායේ සාමාජික සාමාජිකාවන් අමතා ඔවුන්ගේ ගැටළු විමසා බලා ඒවාට විසදුම් ලබා දීමටත් කටයුතු කරන ලදී.
ඉන් අනතුරුව මොණරාගල බලකාය මගින් පවත්වාගෙන යනු ලබන කෘෂි ව්යාපෘතීන් පිළිබඳව වැඩිදුරටත් විමර්ශණය කරන ලද අතර ඒවායේ දියුණුව සඳහා අවශ්ය උපදෙස් ලබා දෙන ලදී.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමන් 2021 දෙසැම්බර් මස 23 වන දින කතරගම පූජා භූමිය හා කිරිවෙහෙර වැඳපුදා ගෙන ආශිර්වාද ලබා ගත්තේය.
මෙහිදී කතරගම කිරිවෙහෙර රාජමහා විහාරය ඇතුළු පංචමහා විහාරාධිපති, රුහුණු මාගම්පත්තුවේ ප්රධාන සංඝ නායක හා කතරගම ශාසනාරක්ෂක බල මණ්ඩලයේ සභාපති, හම්බන්තොට දිස්ත්රික් සඟ සමළුවේ සභාපති පූජ්යපාද කොබවක ධම්මින්ද නායක හිමි හා තිස්සමහාරාම සඳගිරි අභය මහා විහාරාධිපති මාතර කන්දබඩපත්තුව ඇතුළු හම්බන්තොට පළාතේ ප්රධාන සංඝ නායක ආචාර්ය දේවාලේගම ධම්මසේන නායක හිමි බැහැ දැක උන්වහන්සේලාගේ ආශිර්වාද ලබා ගෙන දැනට සිවිල් ආරක්ෂක දෙපාර්තමේන්තුව මගින් ක්රියාවට නංවන සංවර්ධන ව්යාපෘති වැඩිදියුණු කිරීම සඳහා උපදෙස් ලබා ගන්නා ලදී.
ඉන් අනතුරුව, සිතුල්පව්ව විහාරස්ථානය, දෙවිනුවර පරම විචිත්රාරාම රජමහා විහාරය, මාතර පාලටුවාව බෞද්ධ විහාරස්ථානය, ගෞතම විද්යාල පිරිවෙන් වෙහෙර, ශ්රී රත්නාරාම රජමහා විහාරස්ථානය හා කතරගම අභිනවාරාමය ආදී විහාරස්ථානයන්හි විහාරාධිපති හිමිවරුන් මුණගැසී ආශිර්වාද ලබා ගන්නා ලදී.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් එන්ආර් ලමාහේවාගේ (විශ්රා) මැතිතුමන් 2021 දෙසැම්බර් මස 23 වන දින කතරගම බලකායේ නිරීක්ෂණ චාරිකාවක නිරත විය.
එහිදී බලකායේ සාමාජික සාමාජිකාවන් අමතා ඔවුන්ගේ දායකත්වය හැකි උපරිම අයුරින් මෙම දෙපාර්තමේන්තුවේ අනාගත අභිවෘද්ධිය උදෙසා ලබාදෙන මෙන් උපදෙස් ලබා දුන් අධ්යක්ෂ ජනරාල්තුමන් බලකා සාමාජික සාමාජිකාවන්ගේ ගැටළු පිළිබඳවද විශේෂ අවධානය යොමුකරන ලදී.
ඉන් අනතුරුව කතරගම බලකාය මගින් පවත්වාගෙන යනු ලබන කෘෂි ව්යාපෘතීන් පිළිබඳව වැඩිදුරටත් විමර්ශණය කරන ලද අතර, දෙපාර්තමේන්තු සාමාජිකයින්ගේ ශ්රම දායකත්වයෙන් ඉදිවෙන තංගල්ල මහ රෝහලේ සිව්මහල් වාට්ටු සංකීර්ණයේ ඉදිකිරීම් කටයුතු නිරීක්ෂණය කළ එතුමා එම ඉදිකිරීම් වඩාත් ගුණාත්මකව හැකි ඉක්මනින් අවසන් කිරීමට අවශ්ය උපදෙස් ලබා දෙන ලදී.