12 වන ජාතික නිදහස් රණවිරු සැමරුම් උළෙල සන්නද්ධ සේවා සේනාධිනායක, අතිගරු ජනාධිපති ගෝඨාභය රාජපක්‍ෂ මැතිතුමාගේ ප්‍රධානත්වයෙන් ඊයේ දින (මැයි මස 19) බත්තරමුල්ල ජාතික රණවිරු ස්මාරකය අභියසදී අභිමානත්ව පැවැත්විණි.
රණවිරු සේවා අධිකාරිය විසින් සංවිධානය කෙරුණු එම අවස්ථාවට ගරු අග්‍රාමාත්‍ය මහින්ද රාජපක්‍ෂ මැතිතුමන්, හිටපු ජනාධිපති සහ මැති ඇමතිවරුන්.ත්‍රිවිධ හමුදාධිපතිවරුන් හා පොලිස්පති තුමන් සමඟ සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් විශ්‍රාමික මේජර් ජෙනරාල් නන්දන සේනාධීර මැතිතුමන්ද සහභාගිවිය.
දශක තුනක් පුරා පැවති කුරිරු ත්‍රස්ථවාදය තුරන් කිරිම වෙනුවෙන් තම ජිවිත පරිත්‍යාග කල වීරෝධාර රණවිරුවන් අනුස්මරණය කරමින් අතිගරු ජනාධිපතිතුමන් ඇතුළු සම්භාවනීය අමුත්තන් සමඟ මියගිය විරෝධාර රණවිරුවන්ගේ පවුල් වල සමාජිකයින්ද රණවිරු ස්මාරකය වෙත පුෂ්පෝපාහාර දක්වමින් රණවිරු අනුස්මරණය සිදු කෙරිණ.
