සිවිල් ආරක්‍ෂක දෙපාර්තමේන්තුවේ අධ්‍යක්‍ෂ ජනරල් මේජර් ජෙනරාල් එන්ආර් ලමාහේවාගේ (විශ්‍රා) මැතිතුමා, අධ්‍යක්‍ෂ ව්‍යාපෘති බ්‍රිගේඩියර් ඩීඒකේ දිසානායක (විශ්‍රා) හා සේවා වනිතා ඒකකයේ සම්බන්ධීකරන නිලධාරි ලුතිතන් කර්නල් විජිත සිල්වා පසුගිය දා ගෝමරන්කඩවල බලකායේ ව්‍යාපෘති නිරීක්‍ෂණය කළේය.
බලකා අණදෙන නිලධාරි ලුතිනන් කර්නල් ඒඅයි හෙටිටිආරච්චිගේ ආරාධනයෙන් බලකායේ සියලුම සාමාජික සාමාජිකාවන් ඇමතීමෙන් අනතුරුව කාබනික පොහොර පමණක් භාවිතා කරමින් වගාකර ඇති අක්කර 169ක වී වගාව, රටකජු ව්‍යාපෘතිය, එළවළු ව්‍යාපෘතිය, සුදු හඳුන් ව්‍යාපෘතිය, පොල් ව්‍යාපෘතිය හා බේකරිය සහ බොජුන්හල නිරීක්‍ෂණය කරන ලදී.
මෙහිදී අධ්‍යක්‍ෂ ජනරල් තුමා මහදිවුල්වැව, දෙවන පියවර, ශ්‍රී ඉන්ද්‍රාරාම විහාරස්ථානය ඇතුළු විහාරඝණයේ අධිපති උඩරට අමරපුර මහා නිකායේ උතුරු හා නැගෙනහිර සම්මානනීය ප්‍රධාන සංඝනායක අතිපූජනීය පොල්හේන්ගොඩ උපරතන නායක ස්වාමීන්වහන්සේ බැහැදැක ආශිර්වාද ලබා ගත් අතර, එම අවස්ථාවේදී නායක ස්වාමීන්වහන්සේ විසින් ගෝමරන්කඩවල බලකායේ රාජකාරී කටයුතු කාර්යක්‍ෂමව සිදුකිරීම සඳහා අවශ්‍ය පරිගණක යන්ත්‍ර දෙකක්, ප්‍රින්ටර් යන්ත්‍රයක් හා ෆැක්ස් යන්ත්‍රයක් පරිත්‍යාග කරන ලදී.
