News Highlights
ශ්‍රී බුද්ධ වර්ෂ 2568 වන වෙසක් උත්සවය නිමිත්තෙන් “බුද්ධ රශ්මි” වෙසක් කලාපයේ ගාලුමුවදොර වෙසක් කලාපය තෙවන දිනය ආලෝකමත් කිරීම ජනාධිපති ලේකම් ඊඑම්එස්බී ඒකනායක මහතා හා යුද්ධ හමුදාධිපති ලුතිනන් ජෙනරල් එච්එල්වීඑම් ලියනගේ ආර්ඩබ්ලිව්පි ආර්එස්පී එන්ඩීයූ සමඟින් සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරින් විසින් විදුලි ආලෝකය දල්වා වෙසක් තොරණ විවෘත කිරීමෙන් අනතුරුව, ගාලුමුවදොර පරිශ්‍රය වෙත පැමිණෙන සියලුම බැතිමතුන් වෙනුවෙන් ජනාධිපති ලේකම් කාර්යාලය මගින් සංවිධානය කරනු ලබන බත් දන්සල ආරම්භ කරන ලදී.
සිවිල් ආරක්‍ෂක දෙපාර්තමේන්තු බලකා මූලස්ථාන වෙතින් නිර්මාණය කරන ලද දර්ශණීය පහන් කූඩු 17 ක් ගාළු මුවදොර බුද්ධ රශ්මී වෙසක් කලාපය, බෞද්ධාලෝක වෙසක් කලාපය හා දියවන්නාඔය වෙසක් කලාපයන් ආලෝකමත් කරමින් ප්‍රදර්ශනය කල අතර බුද්ධ රශ්මී වෙසක් කලාපය පිවිසුම් තොරණ ඇතුළුව කොළඹ අලියා වටරවුමේ සිට ශ්‍රීමත් මොහාමඩ් මැකන් මැල්කන් මාවත දෙපස මිටර් 1600 ද බම්බලපිටිය සිට තුම්මුල්ල දක්වා මිටර් 600ක් හා හෙක්ටර් කොබ්බෑකඩුව මාවතේ සිට කොස්වත්ත හංදිය දක්වා මිටර් 700ක් මඟ දෙපස 10” X10” ප්‍රමාණයේ අටපට්ටම් කූඩු 1500 ප්‍රදර්ශනය කර ආලෝකමත් කරන ලදී.
අධ්‍යක්‍ෂක පිරිස් පාලන බ්‍රිගේඩියර් අයිඩීඩී ප්‍රනාන්දු (විශ්‍රාමික) ජ්‍යෙෂ්ඨ නිලධාරිගේ සම්බන්ධීකරණයෙන් නියෝජ්‍ය අධ්‍යක්‍ෂ තාක්‍ෂණ, මණ්ඩලික නිලධාරි ඉදිකිරිම් හා නඩත්තු අංශ භාර නිලධාරින් ඇතුළු එම කාර්ය මණ්ඩය සමාජිකයින් සහ බලකා සාමාජිකයින්ගේ ඉමහත් කැපවීම හා ශ්‍රම දායකත්වයෙන් කොළඹ වෙසක් කලාප වර්ණවත් කිරීම සිවිල් ආරක්‍ෂක දෙපාර්තමෙන්තුව මගින් සිදු කරන ලදී.
දියවන්නාඔය වෙසක් කලාපයේ තුන්වන ස්ථානය වෙන්නවත්ව බලකාය ද බුද්ධරශ්මි වෙසක් කලාපයේ විවෘත අංශයේ හත්වන ස්ථානය ත්‍රිකුණාමලය බලකාය හා නවවන ස්ථානය මහඔය බලකාය මගින් නිර්මණය කළ පහන් කූඩු සඳහා හිමි වූ අතර බෞද්ධාලෝක වෙසක් කලාපය මඟින් සිවිල් ආරක්‍ෂක දෙපාර්තමේන්තුව වෙත ඇගයීම් සහතිකයක් ප්‍රධානය කරන ලදී.
- Details
15වන ජාතික රණවිරු සැමරුම් උළෙල ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු අග්‍රාමාත්‍ය දිනේෂ් ගුණවර්ධන මැතිතුමාගේ ප්‍රධානත්වයෙන් 2024 මැයි මස 19 වන දින බත්තරමුල්ල රණවිරු ස්මාරකය අභියස දී අභිමානවත් අයුරින් පවත්වන ලදී.
දශක තුනකට ආසන්න කාලයක් පුරා පැවති ත්‍රස්තවාදය මුලිනුපුටා දමා දේශයේ ස්වෛරීභාවය හා භෞමික අඛණ්ඩතාවය සුරැකීම වෙනුවෙන්, මාතෘභූමියේ උත්තරීතර නිදහස උදා කර ගැනීම සඳහා තම ජිවිත කැප කරමින් මානූෂිය මෙහෙයුම දියත් කළ ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් අනුස්මරණය කරමින් අග්‍රාමාත්‍ය ගරු දිනේෂ් ගුණවර්ධන මැතිතුමා විසින් රණවිරු ස්මාරකයට පුෂ්පෝපහාර පුද කළ අතර, යුද ජයග්‍රහණය සඳහා තම දායකත්ව ලබා දී උත්තරීතර කැපකිරීම් කළ එවකට ත්‍රිවිධ හමුදාධිපතිවරුන් හා වත්මන් ත්‍රිවිධ හමුදාධිපතිවරුන්, පොලිස්පතිතුමා ඇතුළු ජ්‍යෙෂ්ඨ නිලධාරින් රණවිරු ස්මාරකයට පුෂ්පෝපහාර පිරිනමන ලදී.
මාතෘ භූමියේ ඒකීභාවය වෙනුවෙන් තම ජීවිත පරිත්‍යාග කළ සිවිල් ආරක්‍ෂක දෙපාර්තමේන්තුවේ රණවිරුවන් 545 දෙනෙකු ඇතුළු සියලුම රණවිරුවන් සිහිකරමින් සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරි විසින් රණවිරු ස්මාරකයට පුෂ්පෝපහාර පුද කරන ලදී.
රණවිරු සේවා අධිකාරිය මගින් මෙම උත්සවය සංවිධානය කළ අතර ත්‍රිවිධ හමුදාව, පොලීසිය සහ සිවිල් ආරක්‍ෂක දෙපාර්තමේන්තු රණවිරුවන්ගේ ඥාතීන් බත්තරමුල්ල රණවිරු ස්මාරකය වෙත පුෂ්පෝපහාර දක්වමින් දිවි පිදූ විරුවන් වෙනුවෙන් සිය ගෞරවාචාරය පුද කරන ලදී.
- Details
මධ්‍යම පළාත් ප්‍රවීණයන්ගේ මළල ක්‍රීඩා සංගමය මඟින් 12 වන වරටත් සංවිධානය කරන ලද ප්‍රවීණයන්ගේ මළල ක්‍රීඩා තරඟාවලිය 2024 අප්‍රේල් මස 27 සහ 28 යන දෙදින මහනුවර බෝගම්බර ක්‍රීඩාංගණයේදී පවත්වන ලද අතර, සිවිල් ආරක්‍ෂක දෙපාර්තමේන්තු ක්‍රීඩක ක්‍රීඩිකාවන් 61 දෙනෙකු තරඟාවලිය සඳහා සහභාගී වී රන් පදක්කම් 72 ක්, රීදී පදක්කම් 40 ක් සහ ලෝකඩ පදක්කම් 18 ක් දිනා ගනිමින් තරඟාවලියේ සමස්ත ශූරතාවය සමඟින් කාන්තා ශූරතාව හා පිරිමි අනු ශූරතාවය දිනා ගන්නා ලදී.
සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී හා අතිරේක අධ්‍යක්‍ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්‍රාමික) ජ්‍යෙෂ්ඨ නිලධාරින් විසින් ජයග්‍රහණ ලබා ගත් ක්‍රීඩක ක්‍රීඩිකාවන් වෙත සුභාශිංෂණ එක් කරන ලදී.
මධ්‍යම පළාත් ප්‍රවීණයන්ගේ මළල ක්‍රීඩා තරඟාවලියේ එක් එක් වයස්කාණ්ඩ යටතේ දක්‍ෂතම ක්‍රීඩිකාවන් සඳහා හිමි කුසලාන 04ක් දිනාගැනීමට හා තරඟාවලියේ පෙර පැවති තරඟ වාර්තා 13ක් බිඳ හෙළීමට සිවිල් ආරක්‍ෂක දෙපාර්තමේන්තු ක්‍රීඩක ක්‍රීඩිකාවන් සමත් විය.
තරගාවලියේ නව තරඟ වාර්තාවන්
|
වයස් කාණ්ඩය |
ක්‍රීඩා ඉසව්ව | නිල අංකය | නම | බලකාය |
| 40-44 කාන්තා | උස පැනීම | F 035468 | එස්ආර්එස් ජයවර්ධන | වැලිඔය |
| 40-44 කාන්තා | හෙල්ල විසිකිරීම | F 031890 | ටී ප්‍රදීපා ජානකී | මහඔය |
| 45-49 කාන්තා | උස පැනීම | F 029398 | ඩබ්එල් කුසුමාවතී | උහන |
| 30-34 කාන්තා | රිටි පැනීම | F 030143 | යූඑස් ජයසිංහ | විල්පත්තුව |
| 45-49 කාන්තා | හෙල්ල විසිකිරීම | F 022584 | ඩබ්පී කෞෂි | වෙන්නවත්ත |
| 35-39 පිරිමි | උස පැනීම | M 025376 | ආර්ඒඒ ගයාන් | වැලිඔය |
| 30-34 පිරිමි | උස පැනීම | M 035561 | එස්ඒ කුමාර | වැලිඔය |
| 40-44 පිරිමි | මීටර 400,800,1500 | M 024592 | ආර්ආර්ඒ රත්නායක | අනුරාධපුර |
| 40-44 කාන්තා | මීටර 400,800,1500 | F 022584 | එම්ඒ චන්ද්‍රාවතී | විල්පත්තුව |
තරඟාවලියේ දක්‍ෂතම ක්‍රීඩිකාවන්
| වයස් කාණ්ඩය | නිල අංකය | නම | බලකාය |
| 30-34 කාන්තා | F 035468 | එස්කේඑම් සේමසිංහ | විල්පත්තුව |
| 35-39 කාන්තා | F 031711 | වයිඑම්අයිඑන් වීරකෝන් | විල්පත්තුව |
| 40-44 කාන්තා | F 035468 | එස්ආර්එස් ජයවර්ධන | වැලිඔය |
| 50-54 කාන්තා | F 030647 | එම් ඒ චන්ද්‍රාවතී | විල්පත්තුව |
- Details
ස්වභාවික හෝ මානව ක්‍රියාවලියන්ගේ බලපෑම නිසා ඇතිවන හදිසි ආපදා අවස්ථාවකදී සිදුවන ජීවිත හෝ දේපල හානිය අවම කර ගැනීම සඳහා සිවිල් ආරක්‍ෂක සාමාජිකයින් ගත යුතු ආරක්‍ෂක පියවරයන් පිළිබඳව දැනුවත් කිරීමේ අරමුණ පෙරදැරි කර ගනිමින් සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරිගේ උපදෙස් හා මඟ පෙන්වීමට අනුව අධ්‍යක්‍ෂ පුහුණු කර්නල් එච්එම්ඒඩී සරත්චන්ද්‍ර ජ්‍යෙෂ්ඨ නිලධාරිගේ සම්බන්ධීකරණයෙන් මොරටුව මහ නගරසභාවේ ගිනිනිවන ඒකකයේ නිලධාරින් විසින් සිවිල් ආරක්‍ෂක දෙපාර්තමේන්තු සාමාජිකයින් 25 දෙනෙකු සඳහා හදිසි ගිනි ගැනීමක් සිදුවූ අවස්ථාවකදී ක්‍රියාකළ යුතු ආකාරය පිළිබඳව විශේෂ පුහුණු වැඩසටහනක් 2024 මැයි මස 02 වන දින සිට 04 වන දින දක්වා සේරුපිට පුහුණු පාසලේ දී පවත්වන ලදී.
මෙහිදී හදිසි ගිනි ගැනීම් වලට හසුවූ ජීවිත මුදා ගැනීම, හටගත් ගින්න නිවා දැමීම හා ගින්න පැතිරයාම වළක්වා ගනිමින් දේපළ බේරා ගැනීම, ගිනි නිවරණ ක්‍රමෝපායන් අනුගමනය කිරීම, ගිනි ආරක්‍ෂණ උපකරණ භාවිතය සහ එම උපකරණ පරිහරණය පිළිබඳව දැනුවත් කිරීම හා ප්‍රථමාධාර ලබා දීම සම්බන්ධයෙන් න්‍යායාත්මක මෙන්ම ප්‍රායෝගික දැනුම ලබා දීම මොරටුව ගිනිනිවීමේ ඒකකයේ ගිනිනිවීමේ භට ඒඩීජීඑල් ඉලංග සහ ඩබ්එස්ආර් ප්‍රනාන්දු යන මහත්වරුන් විසින් සිදුකල අතර සේරුපිට පුහුණු පාසලේ අණදෙන නිලධාරි ලුතිතන් කර්නල් එල්ආර්එම්යූබී රත්නායක ජ්‍යෙෂ්ඨ නිලධාරි විසින් පුහුණු වැඩසටහන සඳහා අවශ්‍ය පහසුකම් සලසා දෙන ලදී.
- Details
සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල (විශ්‍රාමික) වීඑස්වී යූඑස්පී එම්බීඒ(එක්සත් රාජධානිය) එන්ඩීසී(ඉන්දියාව) පීඑස්සී ජ්‍යෙෂ්ඨ නිලධාරිගේ මග පෙන්වීම අනුව අතිරේක අධ්‍යක්‍ෂ ජනරාල් රියර් අද්මිරාල් ඩබ්ඩීඊඑම් සුදර්ශන (විශ්‍රාමික) ජ්‍යෙෂ්ඨ නිලධාරිගේ සම්බන්ධීකරණයෙන් විශ්වමඩු, කිළිනොච්චි හා මුලතිව් බලකායන්හි සේවය කරනු ලබන පෙර කිසිදු අවස්ථාවක දී කොළඹ ප්‍රදේශය වෙත නොපැමිණි සිවිල් ආරක්‍ෂක සාමාජික සාමාජිකාවන් 39 දෙනෙකු හට සුභසාධක කටයුත්තක් වශයෙන් 2024 අප්‍රේල් මස 09 වන දින සිට 12 වන දින දක්වා කොළඹ ප්‍රදේශයේ සංචාරයක නිරිත වීමේ අවස්ථාව උදා කර දෙන ලදී.
2024 අප්‍රේල් 10 දින සිවිල් ආරක්‍ෂක දෙපාර්තමේන්තු මූලස්ථානයෙහි පැවති සිංහල හින්දු අලුත් අවුරුදු උත්සවයේ ජන ක්‍රීඩා සඳහා සහභාගී වූ අතර එහිදී ඔවුන්ගේ සංස්කෘතික නර්තන අංගයන් ඉදිරිපත් කරන ලදී. මෙම සංචාරය අතරතුරදී ජාතික සත්වඋද්‍යානය, කොළඹ වරාය, කොළඹ වරාය නගරය, නෙළුම් කුළුණ ඇතුළු කොළඹ නගරයේ සංචාරක ආකර්ෂණය දිනාගත් ස්ථාන ඔවුනට සියැසින් දැක බලා ගැනීමේ අවස්ථාව උදා විය.
මෙම සංචාරයේදී කොළඹ ප්‍රදේශයේ පොදු කටයුතු හා වාණිජ ක්‍රියාකාරීත්වය සම්බන්ධයෙන් අත්දැකීමක් මෙන්ම අවබෝධයක් ලබා ගැනීමේ අවස්ථාව හිමිවූ අතර සංචාරක මඟපෙන්වන්නා ලෙස මුලතිව් බලකායේ අණදෙන නිලධාරි මේජර් එස්සී ද සිල්වා ආර්ඩබ්පී ආර්එස්පී ජ්‍යෙෂ්ඨ නිලධාරි විසින් හා වෙන්නවත්ත බලකායේ අණදෙන නිලධාරි ලුතිතන් කර්නල් ආර්පීකේජී රණසිංහ ජ්‍යෙෂ්ඨ නිලධාරි ඇතුළු බලකායේ සාමාජික සාමාජිකාවන් විසින් නවාතැන් ඇතුළු අනෙකුත් පහසුකම් සලසා දෙන ලදී.
- Details
