News Highlights

            " දිවි හිමියෙන් රට රකිමු" තේමාව යටතේ ප්‍රතිසංවිධානය කල සිවිල් ආරක්‍ෂක දෙපාර්තමේන්තුව දශක තුනක් මුළුල්ලේ පැවති යුද්ධයේදී මායිම් ගම්මාන ආරක්‍ෂා කිරීම සඳහා ත්‍රස්තවාදයට එරෙහිව අභීතව සටන් කොට මව්බිමේ ස්වෛරීත්වය හා භෞමික අඛණ්ඩතාවය ආරක්‍ෂා කර ගැනීම සඳහා තම රුධිරය මිහිතලය මත දායාද කරමින් ජීවිතක්‍ෂයට පත් වීරෝධාර භටවරියන් 11 දෙනෙකු  භටවරයන් 534 දෙනෙකු සහ රණක්‍ෂිතයට පත් 545 දෙනෙකු, සිහිපත් කරමින් අනුරාධපුර මිහින්තලේ ඉදිකර ඇති මෙම දෙපාර්තමේන්තු රණවිරු ස්මාරකය අභියසදී සිවිල් ආරක්‍ෂක දෙපාර්තමේන්තුවේ අධ්‍යක්‍ෂ  ජනරාල් එයාර් වයිස් මාර්ෂල් රොෂාන් සේනක බියන්විල වීඑස්වී යූඑස්පී එම්බීඒ (එක්සත් රාජධානිය)  එන්ඩීසී (ඉන්දියාව) පීඑස්සී මැතිතුමන් සහ දෙපාර්තමේන්තු සේවා වනිතා ඒකකයේ ගරු සභාපතිණි දිලිනි කෝදාගොඩ මැතිණියගේ ප්‍රධානත්වයෙන්, දෙපාර්තමේන්තු අධ්‍යක්‍ෂ මණ්ඩල ජ්‍යෙෂ්ඨ නිලධාරින් , බලකා අණදෙන නිලධාරින් දිස්ත්‍රික් නිලධාරින් මෙන්ම ජ්‍යෙෂ්ඨ නියාමක උප නියාමක සහ භට භටවරියන්ගේ සහභාගීත්වයෙන් 2023.09.07 වන දින පස්වරුවේ පුෂ්පෝපහාර පුදකර අභිමානවත් අයුරින් සිහිකරන ලදී.

සිවිල් ආරක්‍ෂක දෙපාර්තමේන්තුවේ නව අධ්‍යක්‍ෂ ජනරාල් එයාර් වයිස් මාර්ෂල් රොෂාන් සේනක බියන්විල වීඑස්වී යූඑස්පී එම්බීඒ (එක්සත් රාජධානිය) එන්ඩීසී (ඉන්දියාව) පීඑස්සී මැතිතුමා නව ධුරයේ රාජකාරි භාර ගැනීමෙන් අනතුරුව 2023 සැප්තැම්බර් මස 07 වන දින අනුරාධපුර අටමස්ථානාධිපති හා නුවර කලාවියේ ප්‍රධාන සංඝනායක ගෞරව ශාස්ත්‍රවේදී පූජ්‍ය පල්ලේගම සිරිසුමන රතනපාල හේමරතනාභිධාන නායක මාහිමිපාණන් වහන්සේ ඇතුළු, අටමස්ථාන  විහාරයන්හි නායක මාහිමිපාණන් වහන්සේලා බැහැදැක ආශිර්වාද ලබා ගන්නා ලද අතර මෙම අවස්ථාව සදහා සේවා වනිතා ඒකකයේ ගරු සභාපතිණී දිලිනි කෝදාගොඩ මැතිණීයද සහභාගී විය.

සිවිල් ආරක්‍ෂක දෙපාර්තමේන්තුවේ 17වන සංවත්සරය සමරමින් දෙපාර්තමේන්තු ධජයන් ඇතු`t සිය`t බලකා පුහුණු පාසල්හි ධජයන් වෙත අනුරාධපුර ජය ශ්‍රි මහ බෝධින් වහන්සේ අභියස දී

ආශිර්වාද කොට මහ සංඝරත්නය විසින් සෙත් පිරිත් සංජ්ජායනය කර මව්බිම වෙනුවෙන් දිවි පිදු වීරෝධාර රණවිරුවන් සිහිපත් කරමින් හා දැනට රාජකාරියේ නියුතු භට භටවරියන් ඇතු`t සිය`tම සිවිල් ආරක්‍ෂක දෙපාර්තමේන්තු සාමාජිකයන්ට ආශිර්වාද කරමින් 2023 සැප්තැම්බර් මස 07 වන දින  පස්වරුවේ ජය ශ්‍රි මහ බෝධින් වහන්සේ අභියස දී ආශිර්වාද පුජාවක් පවත්වන ලදී.  

                                 සිවිල් ආරක්‍ෂක දෙපාර්තමේන්තුවේ අධ්‍යක්‍ෂ ජනරාල් එයාර් වයිස් මාර්ෂල් රොෂාන් සේනක බියන්විල වීඑස්වී යූඑස්පී එම්බීඒ (එක්සත් රාජධානිය) එන්ඩීසී (ඉන්දියාව) පීඑස්සී මැතිතුමා හා සේවා වනිතා ඒකකයේ  ගරු සභාපතිනිය දිලිනි කෝදාගොඩ මැතිණිය හා සිවිල් ආරක්‍ෂක දෙපාර්තමේන්තුවේ අධ්‍යක්‍ෂ පිරිස් පාලන, අධ්‍යක්‍ෂ පුහුණු, අනුරාධපුර, විල්පත්තු, වව්නියාව, හොරොව්පොතාන යන බලකා අණදෙන නිලධාරින් හා දෙපාර්තමේන්තු භට භට වරියන් ඇතුළු මියගිය රණවිරුවන්ගේ ඥාතීන් සහභාගී විය.

17 වන සිවිල් ආරක්‍ෂක දෙපාර්තමේන්තු සැමරුම් දිනයට සමගාමීව අධ්‍යක්‍ෂ ජනරාල් එයාර් වයිස් මාර්ෂල් ආර්එස් බියන්විල ජ්‍යෙෂ්ඨ නිලධාරිගේ උපදෙස් පරිදි 2023 සැප්තැම්බර් 06 වන දින විහාරමහාදේවි ව්‍යාපෘති භාර නිලධාරි ලුතිතන් කොමාණ්ඩර් එම්ජේපීටීඑස් පතිරණ ජ්‍යෙෂ්ඨ නිලධාරිගේ හා සිවිල් ආරක්‍ෂක සාමාජික / සාමාජිකාවන්ගේ සහභාගීත්වයෙන් මරදාන ශ්‍රී කෛලාසනාදර් ස්වාමි දේවස්ථානයේදී හින්දු ආගමික වතාවත් පවත්වා සිවිල් ආරක්‍ෂක දෙපාර්තමේන්තු ධජයට හා බලකා ධජයන් වෙත සෙත් පතා ආශිර්වාද කරන ලදී.